Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. febrúar. 2008 10:05

Vilja fá Strætó í Borgarnes

Áhugi er fyrir því meðal sveitarstjórnarmanna í Borgarbyggð að kannaðir verði möguleikar á að fá Strætó bs til að aka daglega nokkrar ferðir milli Borgarness og höfuðborgarsvæðisins. Á síðasta fundi byggðaráðs Borgarbyggðar var sveitarstjóra falið að ræða við fulltrúa Vegagerðarinnar um hugsanlegar breytingar á almenningssamgöngum til Borgarness. Að sögn Páls S. Brynjarssonar sveitarstjóra er mikill áhugi fyrir að skoða þennan valkost. “Byggðaráð ræddi málið í ljósi þess að um næstu áramót rennur út sérleyfi milli Borgarness og Reykjavíkur. Við viljum skoða það í samráði við Vegagerðina, sem hefur með sérleyfismálin að gera, hvort möguleiki sé á að framlengja ekki sérleyfið þannig að hægt verði að ganga til viðræðna við Strætó bs um að akstri reglulegra strætisvagnaferða verði komið á. Góð reynsla er fyrir þessu fyrirkomulagi á Akranesi og við sjáum sóknarfæri í að einnig verði hægt að tengja Borgarnes við leiðakerfi Strætó,” segir Páll.

Aðspurður segir hann að þetta gæti einnig falið í sér sóknarfæri í uppbyggingu umferðarmiðstöðvar í Borgarnesi þannig að til dæmis sérleyfisbílar af Vestfjörðum og Norðurlandi þyrftu ekki að aka lengra en í Borgarnes. “Það er ljóst að Borgarbyggð þyrfti að leggja til fjármagn til að fá Strætó í Borgarnes, en við teljum að það feli í sér svo mikla samgöngubót að það sé vel þess virði. Einnig þyrfti framlag Vegagerðarinnar til núverandi sérleyfis að renna inn í þann samning, en sami háttur er einmitt hafður á í samningi Vegagerðarinnar, Akraneskaupstaðar og Strætó bs á Akranesi.” Páll segist vonast til að á næstu vikum muni það skýrast hvort af þessum breytingum getur orðið.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is