Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. febrúar. 2008 09:39

Fíkniefni fundust við húsleit á Bifröst

Lögreglumenn úr lögreglunni í Borgarfirði og Dölum, fíkniefnalögreglunni í Reykjavík og vopnaðir liðsmenn úr sérsveit ríkislögreglustjóra gerðu húsleit í þremur íbúðum á nemendagörðum Háskólans á Bifröst um klukkan hálfátta í gærkvöldi. Auk þess voru með í för tollgæslumenn og fíkniefnahundar. Fíkniefni fundust í öllum íbúðunum. Theodór Þórðarson yfirlögregluþjónn hjá lögreglunni í Borgarfirði og Dölum leggur áherslu á að leitin hafi verið gerð í samráði og góðri samvinnu við skólayfirvöld sem líði ekki að fíkniefni séu höfð um hönd á háskólasvæðinu.

 

 

Theodór segir að sérsveitin hafi verið með í för þar sem grunur hafi leikið á að skotvopn væru í húsnæðinu sem leitað var í. Svo reyndist þó ekki vera þegar til kom. Ástæðan fyrir húsleitinni var rökstuddur grunur um að í húsnæðinu væri að finna fíkniefni. “Við fórum út í þessa aðgerð eftir ákveðna rannsóknarvinnu. Það eru fíkniefni í öllum þorpum og háskólaþorp eru þar ekki undanskilin.”

Sem fyrr segir fundust fíkniefni í öllum íbúðunum og var þar um að ræða kannabis, amfetamín og kókaín. Efnin voru þó aðeins í neysluskömmtum og að sögn Theodórs teljast málin upplýst. Einn þeirra þriggja nemenda sem málið snýr að var handtekinn grunaður um akstur undir áhrifum fíkniefna. Hann var færður á lögreglustöð þar sem tekið var úr honum blóðsýni.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is