Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. mars. 2008 03:08

Bændur vilja tryggja framtíðar mataröryggi landsmanna

Búnaðarþingi lauk fyrr í vikunni. Þar varð mikil umræða um mataröryggi, stöðu og horfur í íslenskum landbúnaði eins og rækilega hefur komið fram í fjölmiðlum. Í fréttatilkynningu frá Bændasamtökum Íslands, sem send var út nú að þinghaldi loknu, kemur fram þakklæti samtakanna fyrir þann stuðning sem bændur hafa fengið meðal þjóðarinnar. Bændur leggja áherslu á að áfram ríki sátt um atvinnuveginn og að starfsumhverfi íslensks landbúnaðar sé tryggt til langframa. Búnaðarþing telur afar mikilvægt að fólk sem starfar við landbúnað búi við góðar félagslegar aðstæður, eðlilegar tekjur, öflugt menningarsamfélag og atvinnuöryggi sem gerir störf þess eftirsóknarverð.

“Bændur eru tilbúnir að takast á við það verkefni að tryggja til framtíðar mataröryggi landsmanna og framleiða gæðamatvæli á sanngjörnu verði, í sátt við umhverfið.  Bændur verða áfram vörslumenn lands og nýta á skynsamlegan hátt auðlindir þess, jörðina, gróðurinn og vatnið. Öflugur landbúnaður er forsenda að blómlegum byggðum, varðveislu menningararfleifðar þjóðarinnar og ýmsum öðrum atvinnurekstri um land allt. Lifandi landbúnaður í dreifbýli styrkir þjóðina alla,” segir í tilkynningu frá forsvarsmönnum BÍ.

Þá segir að í þekkingu bænda á hagnýtingu landsins séu fólgin ómetanleg verðmæti sem gera þjóðinni kleift að lifa af landsins gæðum, þar sem sjálfbær búskapur er hafður að leiðarljósi. Það sé best gert með ábyrgri meðferð ræktunarlands og skýrum eignarrétti bænda á landi. Bændur stefna að því að framleiðslumöguleikum hverrar jarðar verði skilað í betra horfi til næstu kynslóða.  “Skýrt þarf að draga fram sérstöðu og uppruna íslenskra matvæla og búskaparhátta. Íslenskur landbúnaður byggir á grasrækt og ábyrgri landnýtingu. Áfram þarf að auka fjölbreytni búvöruframleiðslunnar og styrkja rekstrarforsendur allra greina landbúnaðarins. Búnaðarþing leggur áherslu á að íslenskur landbúnaður á mikla möguleika í heimi sem þarf að framfleyta vaxandi fólksfjölda. Tækifærin eru fjölmörg og þau ber að nýta,” segir að lokum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is