Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. mars. 2008 08:12

Fjölmenn Ávaxtakarfa hjá Grundaskóla

Frá sýningu í gærkvöldi
Á árshátíð Grundaskóla, sem fram fer þessa dagana, má meðal annars sjá afrakstur mikils samstarfsverkefnis sem átt hefur sér stað meðal nemenda í deildum 3. og 4. bekkjar skólans, sex umsjónarkennara og fimm valgreinakennara. Það er stytt útgáfa söngleiksins Ávaxtakörfunnar sem er framlag bekkjanna til árshátíðarinnar í ár. Foreldrar nemenda tóku einnig þátt í þessu samstarfsverkefni. Þeir létu sig ekki muna um að hittast tvö kvöld í febrúar og sauma 40 stuttbuxur, átta skikkjur og ganga frá höttunum sem leikararnir ungu bera í sýningunni.

Karen Lind Ólafsdóttir umsjónarkennari í Grundaskóla segir að frábærlega skemmtilegt hafi verið að vinna að þessu verkefni og sjá hvað hæfileikarnir leynast víða í nemendahópnum, en það eru 120 nemendur þessara bekkja sem koma að sýningunni. Karen Lind hafði umsjón með dansinum, en Katrín Valdís Hjartardóttir stjórnar söngnum. Það er fjórði bekkur sem fer með fyrri hluta verksins, þriðji bekkur tekur svo við og saman syngja svo bekkirnir lokasönginn.

 

Undirbúningur Ávaxtakörfunnar í Grundaskóla hófst í byrjun nóvember. Í umsjónartímum var unnið með hugtökin og boðskapinn úr söngleiknum, svo sem eineltið, jafnréttið og bræðralagið. Mikilvægi þess að allir geti unnið saman og borið virðingu fyrir hvert öðru.  Ávaxtakarfan er sem kunngt er eftir þau Kristlaugu M. Sigurðardóttur og Þorvald Bjarna Þorvaldsson og var fyrst sett upp í Borgarleikhúsinu 1998.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is