Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. mars. 2008 12:16

Kalla eftir hugmyndum íbúa í Hvalfjarðarsveit

Hvalfjörður.
Ljósm. Mats
Vinna við gerð aðalskipulags fyrir Hvalfjarðarsveit er á fullu skriði. Kallað hefur verið eftir hugmyndum íbúa, ekki síst þeirra sem hafa í huga breytta landnýtingu á næstu árum. Á síðustu vikum hafa verið haldnir fundir með fulltrúum vegagerðarinnar, ráðherra og fleiri aðilum. Stefnt er að því að drög aðalskipulagsins liggi fyrir á haustdögum þannig að þá verði hægt að ganga til lögboðins kynningarferlis með íbúum og ýmsum hagsmunaaðilum sem málinu tengjast. Vonir standa til að unnt verði að auglýsa tillögu að aðalskipulagi undir lok ársins.

„Ákvörðun um landnotkun og landnýtingu í Hvalfjarðarsveit til næstu ára skiptir íbúa vissulega miklu máli.

Aðalskipulagsáætlunin mun án efa hafa bein eða óbein áhrif á líf íbúa sveitarfélagsins um ókomna tíð. Það er því mikilvægt að almenningur verði meðvirkur við skipulagsvinnuna frá upphafi,“ segir í tilkynningu á heimasíðu Hvalfjarðarsveitar.

Að sögn Skúla Lýðssonar byggingarfulltrúa Hvalfjarðarsveitar hefur byggingar- og skipulagsnefnd lagt mikla vinnu í að samræma þau fjögur aðalskipulög sem í gildi eru fyrir þá fjóra hreppa sem sameinaðir voru í núverandi sveitarfélag, Hvalfjarðarsveit. „Markmiðið í þessari vinnu er að gera skipulagið markvisst en samt sveigjanlegt. Mér sýnist að það hafi tekist vel. Þarna er farið yfir hluti eins og landnýtingu, gerð stíga, reiðleiða og vega. Það hefur verið rætt um breytingar eins og að Vesturlandsvegur verði tveir plús tveir og tvöföldun á Hvalfjarðargöngum, en vonandi að það tefji okkur ekki.“

 

Skúli segir forsendu þess að sem mest sátt ríki um aðalskipulagið að íbúar fylgist vel með framvindu verksins og komi með tillögur og/eða athugasemdir er varða einstaka málaflokka. Þeim má koma til skipulags- og byggingarfulltrúa sveitarfélagsins fyrir 30. apríl. Landlínur ehf. annast ráðgjafaþjónustu við gerð aðalskipulagsins fyrir Hvalfjarðarsveit.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is