Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. mars. 2008 02:22

Hefur opnað verslunina Nefertiti á Akranesi

Þóra Grímsdóttir opnaði á laugardag nýja verslun á Akranesi sem fengið hefur nafnið Nefertiti. Þar fást bæði húsgögn og gjafavara, ljós og lampar svo aðeins fátt eitt sé nefnt. “Í viðbót við þetta bjóðum við upp á rúmföt og rúmteppi, handklæði, dúka, reykelsi og kerti, handtöskur og ýmislegt fleira,” segir Þóra sem áður hefur rekið verslun á Akranesi. “Ég rak Glerhöllina um árabil en hætti þar í desember sl. Fyrirtækið hafði þá verið sameinað PGV og mig langaði til þess að breyta til. Ég hafði verið með gjafavöru í Glerhöllinni þar til fyrir fjórum árum síðan og fannst það alltaf mjög gaman. Svo fannst bæði mér og fleirum að það vantaði svona öðruvísi gjafavöruverslun í bæinn.”

 

 

Þóra virðist þar hafa hitt naglann á höfuðið því viðtökurnar hafa verið framar vonum. “Verslunin hefur fengið alveg frábærar viðtökur. Það er búið að vera brjálað að gera alveg frá því ég opnaði og fólk virðist almennt mjög ánægt með að búið sé að opna svona verslun.”

 

Hvað varðar nafngiftina segir Þóra að egypska faraóadrottningin hafi alltaf verið í sérstöku uppáhaldi. “Ég hef svo mikinn áhuga á þessari menningu og því sem henni tengist. Nafnið tengist ekki vöruúrvalinu beint enda sel ég nánast ekkert frá Egyptalandi,” segir hún og hlær. Þóra hyggst að mestu standa ein á bakvið búðarborðið þar til dóttir hennar kemur til starfa í apríl. “Vinkona mín var að vinna hér með mér um helgina og verður kannski eitthvað viðloðandi. Sem betur fer því það er eiginlega vonlaust fyrir mig að vera hérna ein ef það heldur áfram að vera svona mikið að gera.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is