Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. mars. 2008 08:22

Sveitarfélög á Snæfellsnesi sameinast um styrkingu atvinnulífs

Bæjarstjórnir Snæfellsbæjar, Grundarfjarðabæjar og Stykkishólmsbæjar hafa ákveðið að hrinda af stað verkefni sem miðar að því að safna saman hugmyndum er varðar styrkingu atvinnulífs og samfélaga á Snæfellsnesi. Verkefnið verður unnið í samstarfi við SSV þróun og ráðgjöf. Áskorun hefur verið beint til íbúa og aðila á svæðinu að koma með tillögur og ábendingar í þessa veru og er óskað eftir að þær verði sendar til skrifstofu SSV fyrir 20. mars. „Við vonumst til að út úr þessu komi góðar hugmyndir sem við getum komið á framfæri og unnið úr. Þær gætu verið frá fyrirtækjum, einstaklingum eða félögum. Kannski sér fólkið hluti sem við höfum ekki komið auga á, svo sem vannýtta möguleika og aðstöðu sem þarf að bæta úr,“ segir Sigríður Finsen forseti bæjarstjórnar Grundarfjarðar og formaður Samtaka sveitarfélaga á Vesturlandi.

„Þetta er stór og mikill málaflokkur, atvinnumálin, sem margir eru að vinna í. Sveitarstjórnirnar hér á svæðinu hafa verið að huga að þessum málum og síðustu mánuðina höfum við verið að kasta því á milli okkar að vinna að þeim í sameiningu á skipulegan hátt,“ segir Sigríður.

 

Það verða þeir Ólafur Sveinsson og Vífill Karlsson sem væntanlega koma til með að standa fyrir þessu verkefni hjá SSV þróun og ráðgjöf, að sögn Sigríðar. Aðspurð um hvort fresturinn til að skila hugmundunum, til 20. mars væri kannski í stysta lagi, sagði hún að það gæti verið álitamál. „Ef fólk hefur á annað borð hugmyndir er best að það komi þeim frá sér fljótt. Við viljum vinna tíma og koma verkefninu af stað fyrir vorið.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is