Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. mars. 2008 10:46

Á móti sól aflýsir dansleik vegna ástands Breiðarinnar

Ein vinsælasta danshljómsveit landsins, Á móti sól, hugðist halda páskadansleik á skemmtistaðnum Breiðinni á Akranesi nú um páskana, en hefur nú fallið frá þeim fyrirætlunum og segja hljómsveitarmenn ástæðuna skelfilegt ástand hússins. Í fréttatilkynningu frá hljómsveitinni segir m.a: “Það er okkur í hljómsveitinni Á móti sól afar þungbært að þurfa að tilkynna að fyrirhugaður páskadansleikur okkar á Breiðinni fellur niður. Ástæðan er sú að ástand hússins er vægast sagt ömurlegt. Við bókuðum páskaballið með góðum fyrirvara hjá núverandi rekstraraðilum hússins, en fyrir nokkrum dögum tilkynntu þeir okkur að þeir væru hættir dansleikjahaldi, en okkur væri velkomið að leigja húsið. Við tókum því fegins hendi, enda finnst okkur ómissandi hluti af hátíðahaldi um páskana að spila á Skaganum! En þegar við skoðuðum húsið, með aðstoð góðra vina okkar hér í bænum, runnu á okkur tvær grímur.

Óþrifnaður og hreinn og klár viðbjóður blasti við, og alveg ljóst að slíkt væri ekki fólki bjóðandi. Klósett brotin, teppi mygluð, parketið á dansgólfinu orðið svo undið og bólgið að slysahætta stafar af o.s.frv. Við höfum undanfarna daga reynt allt sem í okkar valdi stendur til að reyna að koma staðnum í danshæft ástand, en þar sem enginn vilji er fyrir slíku, hvorki hjá eigendum né rekstraraðilum staðarins, af ástæðum sem of langt mál er að telja upp hér, verðum við því miður að játa okkur sigraða. Við vonumst til að sjá ykkur síðar og óskum þess að þið eigið öll gleðilega páska. Virðingarfyllst, hljómsveitin Á móti sól.” Undir þetta ritar Heimir Eyvindarson.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is