Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. mars. 2008 11:22

Enn reynt að gabba fólk með lottóbréfum

Lottóbréfið sem Skagakonan fékk
Enn gerist það að fólki berst, ýmist inn um bréfalúgur eða með tölvupósti, bréf frá erlendum svindlurum sem reyna að hafa af fólki fé. Í bréfum þessum er viðtakendum gjarnan tilkynnt að þeir hafi unnið háar fjárhæðir í erlendum happadrættum, jafnvel milljónir dollara eða sterlingspunda. Þessi svokölluðu Lottóbréf eiga það öll sammerkt að viðtakendum þeirra er sagt að þeir þurfi að senda svar með upplýsingum um bankanúmer og aðrar persónuupplýsingar til að hægt sé að leggja “þann stóra” inn á reikning þeirra. Yfirleitt er síðan viðkomandi beðinn að greiða einhvers konar staðfestingargjald, en eftir því eru þjófarnir einmitt að sækjast. Þá varaði ríkislögreglustjóri nýlega við netsíðum sem gefa í skyn að sá sem þær skoðar hafi unnið stóran lottóvinning. Eru slíkar síður nú í sumum tilvikum á íslensku. Er fólk hvatt til að gefa ekki upplýsingar um sig á netsíðum af þessu tagi.

Nýlega barst eldri konu á Akranesi Lottóbréf í pósti. Þar er hún sögð hafa unnið 13 milljónir punda, eða andvirði tæplega tveggja milljarða íslenskra króna. Konan hafði sem betur fer varan á sér, en það vakti athygli hennar að utan á umslagið sem bréfið var sent í var nákvæm og rétt stafsetning á nafni hennar og heimilisfangi, allt með séríslenskum stöfum. Engu er því líkara en hinir erlendu svindlarar leggi mikið upp úr því að allt líti sem trúverðugast út. Þessi eldri kona vildi gjarnan að Skessuhorn segði frá þessu til að vara aðra eldri borgara sem og yngri þegna landsins við þessum svikahröppum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is