Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. mars. 2008 09:18

Eftir eld - lítil landbúnaðarsýning í Lyngbrekku

Búnaðarfélag Mýramanna hefur ákveðið að minnast þess að í ár eru tvö ár frá hinum miklu Mýraeldum. Blásið verður til landbúnaðarsýningar, verðlaunaafhendingar og fleiri uppákoma í Lyngbrekku og Þverholtum 5. apríl næst komandi.  Mönnum er í fersku minni hinir miklu eldar er geysuðu á Mýrunum fyrir tveimur árum og þótti við hæfi að halda upp á að tvö ár eru síðan þeim lauk. Forleikur hátíðarinnar sem ber nafnið „Eftir eld“ verður fimmtudagskvöldið 3. apríl þegar landbúnaðarráðherra, Einar K. Guðfinnsson, mætir á fund og verður með framsögu um landbúnaðarmál. Eru allir hvattir til að koma og spyrja ráðherrann spjörunum úr, sérstaklega í ljósi stöðu landbúnaðarins í dag.

 

Þorkell Fjeldsted talsmaður hátíðarinnar segir að á laugardeginum verði ýmislegt um að vera á Mýrunum sem fólk hefði ábyggilega gaman af því að taka þátt í. Í Lyngbrekku hefst hátíðin klukkan 13 og verður þar fjöldi fyrirtækja með kynningar á þjónustu sinni ásamt því að sýna vélar. „Uppákomur verða á sviði sem hefjast klukkan 15, undir dyggri stjórn Steinunnar Pálsdóttur. Á sama tíma verður verðlaunaafhending fyrir framúrskarandi árangur í búfjárrækt. Einnig verður opið fjós í Þverholtum þar sem fólki gefst kostur á að skoða það sem nýjast er á þessu sviði. Þar er rekið nýtt stórt fjós með tveimur mjaltaþjónum og Landstólpi hefur verið að byggja þar stóra skemmu sem sýnd verður á sama tíma. Það ættu allir að fá eitthvað við sitt hæfi sem hafa áhuga á landbúnaðarmálum og svo skemmir ekki að góðar veitingar verða á boðstólum,“ segir Þorkell.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is