Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. mars. 2008 03:40

Bætt fjarskiptasamband í Reykhólasveit

Sambandið prófað í dag.
Klukkan eitt í dag, föstudag, var kveikt á nýjum sendi frá Vodafone við Hótel Bjarkalund í Reykhólasveit, sem þýðir betra fjarskiptasamband í næsta nágrenni við hótelið. Sendinum var komið fyrir til bráðabirgða við Bjarkalund, en þegar líður á árið verður hann fluttur upp á Hofstaðaháls við Þorskafjörð og nær þá að miðla yfir stærra svæði. Þar með er komið gsm-samband á svæðinu, en nýlega fékk Árni Sigurpálsson hótelstjóri á Bjarkalundi einnig ADSL-tengingu frá Vodafone, sem er stórbót fyrir rekstur hótelsins, sem áður þurfti að notast við rándýra ISDN-tengingu bæði fyrir bensíndælur og tölvur.

Óskar Steingrímsson sveitarstjóri Reykhólahrepps segir að þeir hjá Vodafone séu að gera góða hluti á þessu svæði sem og fleiri svæðum Vestfjarða. Á næstu dögum verður komið á langdrægara sambandi frá sendi í Flatey sem mun stórbæta fjarskiptasamband við Breiðafjörðinn, að sögn Óskars.

Árni Sigurpálsson hótelhaldari í Bjarkalundi gerir því skóna að það tengist því kannski að upptökur séu að byrja á grínþáttunum Dagvaktinni, að verið sé að net- og gsm-væða svæðið. Í fyrrasumar var einmitt Flatey á Breiðafirði gsm vædd áður en upptökur á kvikmyndinni Brúðgumanum hófust.

 

Á meðfylgjandi mynd sem tekin var þegar kveikt var á sendinum í dag má sjá þá Árna Sigurpálsson hótelstjóra að prófa sambandið og Þórarinn Ólafsson starfsmann Vodafone.

Ljósm. Óskar Steingrímsson.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is