Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. mars. 2008 09:55

Skallagrímsmenn tryggðu sér oddaleik

Skallagrímsmenn brugðust ekki stuðningsmönnum sínum í gærkveldi, þegar þeir áttu mjög góðan leik gegn sterku liði Grindvíkinga og tryggðu sér oddaleik í Grindavík á fimmtudagskvöldið. Leikurinn í „Fjósinu“ í Borgarnesi í gærkveldi var stórkostleg skemmtun og endaði með 96:91 sigri Skallagríms. Heimamenn komu vel stemmdir til leik, sérstaklega Pétur Már Sigurðsson sem setti niður átta stig strax í upphafi. Axel Kárason var með Pál Axel Vilbergsson í strangri gæslu og tókst það vel. Zekovic var í aðalhlutverki í teignum og hlutirnir voru að ganga vel hjá Sköllunum sem náðu mest 13 stiga forskoti þegar langt var liðið á fyrri hálfleik.

Grindvíkingum tókst að komast inn í leikinn að nýju mest fyrir góða framgöngu Adams Darboe og þegar gengið var til síðasta fjórðungs voru gestirnir tveimur stigum yfir. Skallagrímsmenn sýndu úr hverju þeir eru gerðir á lokakaflanum og m.a. setti Pétur Már niður þrjá þrista á lokamínútunum og lagði grunn að sætum sigri Skallagríms.

 

Milojica Zekovic var stigahæstur Skallagrímsmanna með 36 stig, Darrell Flake gerði 23, Pétur Már 19, Axel Kárson 8, Florian Miftari 6, Pálmi Sævarsson 2 og Allan Fall 2.

Stigahæstir hjá Grindavík voru Adam Darboe með 32 stig, Jamaal Williams 18, Þorleifur Ólafsson 15 og Páll Axel Vilbergsson 13.

 

Nú er semsagt að spíta í lófa og er ástæða til að hvetja stuðningsmenn Skallagríms nær og fjær til að fjölmenna til Grindavíkur á fimmtudaginn og hvetja liðið til dáða.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is