Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. mars. 2008 11:10

Ungur piltur slasaðist illa í golfferð á Spáni

Sextán ára piltur úr Golfklúbbnum Leyni á Akranesi slasaðist illa í æfingaferð með unglingahópi félagsins á Spáni á dögunum. Tildrög slyssins voru þau að pilturinn stökk yfir lága girðingu í hótelgarðinum og reiknaði með jafnháu plani hinum megin. Svo var ekki og féll hann niður eina sex eða sjö metra og kom niður á steypt plan. Afleiðingarnar voru ristarbrot á báðum fótum, en drengurinn komst fljótlega á sjúkrahús í aðgerð, sem heppnaðist vel og er von á honum heim með hópnum á morgun.

Unglingahópur Leynis, 17 krakkar á aldrinum 13-18 ára fóru í þessa æfingaferð ásamt fjórum þjálfurum og fararstjórum. Haldið var til Andalúsíuhéraðsins á Spáni sunnudaginn 23. mars. Það var á öðrum degi ferðarinnar sem slysið átti sér stað. „Þetta gerðist vegna þess að hann var ekki búinn að kynnast aðstæðum,“ segir Karl Ómar Karlsson einn þjálfaranna, sem telur að enn verr hefði getað farið, þar sem fallið var hátt.

Að öðru leyti heppnaðist æfingaferðin mjög vel, en unglingahópurinn fór einnig í svipaða æfingaferð á síðasta ári. „Krakkarnir voru yfirleitt að spila 18-36 holur á hverjum degi auk æfinga fyrir og eftir að spila vellina. Við erum hérna með þrjá velli, alls 54 holur, og æfingasvæði út um allt. Þetta eru frábærar aðstæður,“ segir Karl Ómar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is