Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. apríl. 2008 04:12

Var orðin leið á að finna engin strákaföt

Erna Karla Guðjónsdóttir opnaði í lok síðasta árs vefverslunina Gjugg.is en Erna flutti nýverið heim til Akraness eftir að hafa verið búsett í New York um árabil. Í versluninni býður hún Íslendingum hágæða barnafatnað og –vörur sem hún flytur inn frá Bandaríkjunum. “Þetta kom  nú aðallega til af því að ég var orðin svo leið á því hvað úrvalið af strákafötum var lélegt,” segir Erna Karla og hlær en hún á tvo stráka, Úlf sem er 5 ára og Grím sem er 2 ára. Þriðja barnið er væntanlegt í heiminn á næstu dögum. “Svo var ég líka orðin þreytt á því hvað mér fannst föt endast stutt og langaði að bjóða upp á hágæðafatnað á góðu verði.”

 

 

Á heimasíðunni býður Erna upp á föt á börn á aldrinum 0-8 ára, kerrupoka, ungbarnaskó og fleira. Vöruúrvalið á enn eftir að aukast því fljótlega munu bætast við sérsmíðaðir skartgripir fyrir börn. Eiginmaður Ernu, Gunnlaugur Orri Finnbogason, er gullsmiður að mennt en hann hefur starfað í New York undanfarin ár. “Okkur langar að bjóða upp á dálítið öðruvísi skartgripi fyrir börn, íslenska og sérsmíðaða,” segir Erna.

 

Hún segir viðtökurnar við Gjugg.is hafa verið vonum framar. “Ég hef ekkert auglýst að ráði en viðtökurnar hafa verið frábærar. Kerrupokarnir hafa verið sérstaklega vinsælir,” segir hún. “Ég hef lagt mjög mikið upp úr góðri þjónustu og fólk hefur lýst yfir ánægju sinni með það. Við bjóðum bæði fría heimsendingu á vörum og endurgreiðslu ef fólk er ekki ánægt með vöruna.” Erna útilokar ekki að færa út kvíarnar í náinni framtíð. “Vefverslun er ágætis leið til að byrja auk þess sem þetta gefur mér möguleikann á að vera meira heima með börnunum. En það hefur alltaf verið inni í myndinni að finna gott húsnæði og opna verslun í framhaldinu.”

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is