Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. apríl. 2008 11:24

Magnús Ver til liðs við Loftorku

Óskar Húnfjörð var í haust ráðinn markaðsstjóri Loftorku í Borgarnesi ehf. Meðal nýlegra verka hans var gerð samstarfssamnings við Magnús Ver Magnússon aflraunamann um að sá síðarnefndi verði andlit fyrirtækisins næstu árin. Það mun meðal annars þýða að hann mun prýða kynningarefni Loftorku, koma fram í auglýsingum, vörukynningum og á öðrum uppákomum sem fyrirtækið mun standa fyrir.

“Við erum kraftakarlar hérna í fyrirtækinu og ætlum okkur að auka styrkinn með því að fá einn margverðlaunaðan aflraunamann til að koma fram fyrir okkar hönd,” segir Óskar í samtali við Skessuhorn. Hann segir það passa prýðilega inn í myndina að fá Magnús Ver til liðs við fyrirtækið því hann sé þekktur fyrir styrk sinn og afl og endurspeglar þannig styrk og gæði í vörum fyrirtækisins. Keppnisskap hans og prúðmannleg framkoma hafa skipað honum í fremstu röð aflraunamanna í heiminum, en Magnús Ver hefur meðal annars fjórum sinnum hampað titlinum Sterkasti maður heims.

 

Framundan er þátttaka Loftorku og fleiri byggingafyrirtækja um næstu helgi á vörusýningunni Verk og vit í Laugardalshöll, en þar verður Loftorka á yfir 100 fermetra sýningarsvæði. “Þar leggjum við áherslu á að gestir fái að upplifa framleiðsluvörur Loftorku, svo sem forsteyptar húseiningar og loftaplötur, steypt holræsarör, forsteyptar stigaeiningar og fleira. Þá kynnum við heildarþjónustu allt frá því að einingahanna hús, framleiða einingar, flytja þær og reisa á byggingastað. Loks munum við kynna samstarf við UPONOR, sem er einn stærsti framleiðandi plastpípulagnaefnis á Norðurlöndum og sýna möguleika í tengingu plaströra við steypt holræsarör frá Loftorku,” segir Óskar Húnfjörð.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is