Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. apríl. 2008 03:10

Aðeins fjórir af HB-fólkinu hafa ráðið sig í vinnu

Einungis tvær konur og tveir karlmenn hafa ráðið sig í nýja vinnu af þeim rúmlega þrjátíu sem ekki fengu endurráðningu hjá HB Granda vegna uppsagnanna í byrjun árs.

Uppsagnarfrestur starfsfólksins nær til 1. júní næstkomandi. Langstærstur hluti hópsins er konur, um 25 talsins. Að sögn Skúlínu Guðmundsdóttur trúnaðarmanneskju starfsmanna í vinnslunni á Akranesi virðist sem langflestir séu að líta í kringum sig og ætli að taka sér gott sumarfrí þegar uppsagnarfrestinum lýkur, nýti þá þann tíma til að finna sér vinnu.

Skúlína segir að nokkrar kvennanna séu komnar vel á sjötugsaldur og allt eins víst að þær kjósi að fara út af vinnumarkaðnum. Hluta starfsfólks hefur verið boðin vinna hjá HB Granda í Reykjavík og að sögn Skúlínu eru það einkum erlendu konurnar í hópnum sem eru að skoða það. Annars séu ekki miklir atvinnumöguleikar fyrir konur hér á svæðinu. Sérstaklega sé lítið af hlutastörfum í boði, en margar þeirra kvenna sem vinna í HB eru þar í hlutastarfi.

Eins og komið hefur fram í fréttum var konum í  vinnslunni á Akranesi boðið í heimsókn á Hrafnistu, bæði í Hafnarfirði og Reykjavík. Skúlína sagði að nokkrar þeirra væru ekki fráhverfar því að skoða vinnu í Hrafnistu í Reykjavík og einnig hjúkrunar- og dvalarheimilinu Víðinesi á Kjalarnesi. Hinsvegar finnist þeim oft langt að sækja vinnu til Hafnarfjarðar. Í námskeiðahaldi hefur verið boðið upp á sjálfstyrkingarnámskeið með Jóhanni Inga Gunnarssyni sálfræðingi, sem Skúlína sagði að hefði verið mjög skemmtilegt og gagnlegt. Einnig væri áformað í samstarfi við Atvinnumiðlun að halda námskeið í greiningu áhugasviðs. „Annars má búast við að málin fari að skýrast þegar líður nær orlofstímanum í byrjun maí,“ segir Skúlína Guðmundsdóttir trúnaðarmaður.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is