Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. apríl. 2008 11:27

Unnið að þremur verkefnum hjá Eflingu Stykkishólms

Ljósm. Mats.
„Þær raddir hafa heyrst að við séum kannski að leggja of mikla áherslu á ferðaþjónustuna, en einhvern veginn er það þannig að við komum alltaf að þessum punkti. Það virðist líka vera þægilegast að leiða fólk saman til sameiginlegra átaka á þessum vettvangi,“ segir Magnús Bæringsson formaður samtakanna Efling Stykkishólms, sem nú hafa starfað í þrettán ár og eru nýbúin að halda aðalfund. Það tókst reyndar eftir að búið var að fresta fundinum þrisvar sinnum, vegna breytinga á leikdögum í körfuboltanum sem allt snýst um í Hólminum þessa dagana.

 

„Ágætis mæting var á fundinn, en líklega hafa þessarar frestanir meitt okkur eitthvað,“ segir Magnús en alls eru 45 aðilar í Eflingu Stykkishólms. Félagið er nýbúið að fá úthlutað milljón króna styrk í samstarf ferðaþjónustuaðila í Stykkishólmi. Styrkurinn var veittur í mótvægisaðgeðrum ríkisstjórnarinnar vegna skerðingar þorskkvótans.

Um þessar mundir eru þrjú verkefni í gangi hjá Eflingu Stykkishólms. Eitt þeirra beinist að því að lengja ferðamannatímann. „Ferðaþjónustufyrirtækin skipta okkur mjög miklu máli. Okkur hefur tekist að bæta við aðalferðamannatímann en betur má ef duga skal. Við erum með glæsilegt hótel og marga aðila í greininni sem eru að gera vel. Núna ætlum við að fara að markaðssetja jaðartímana í ferðamennskunni, vorin og haustin. Við hugsum okkur í þessu sambandi að reyna að höfða sérstaklega til eldri borgaranna að fá hópa til okkar,“ segir Magnús.

Þá hefur verið í undirbúningi og þessa dagana er að fara af stað gerð sameiginlegrar vefsíðu fyrir Stykkishólm. Að sögn Magnúsar er ætlunin að smíða glæsilega vefsíðu sem allir aðilar í bænum gætu nýtt sér og yrði sameiginlegur kynningarvettvangur fyrir samfélagið allt, Stykkishólmsbæ, þjónustu- og framleiðslufyrirtækin. Þriðja verkefnið er svokallaður „heilsuklasi Stykkishólms“ sem áður hefur verið vikið að í Skessuhorni. Þar er ætlunin að leiða saman alla aðila sem tengjast heilsutengdri þjónustu í Stykkishólmi og tilbúnir eru að standa saman að skipulagningu og markaðsetningu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is