Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. apríl. 2008 04:30

Bílstjóri strætó frá vinnu um tíma

Búist er við að bílstjóri Akranesstrætó sem lenti í óhappinu við Grundarhverfið á Kjalarnesi síðastliðinn miðvikudagsmorgun verði frá vinnu í einhvern tíma. Óhappið varð með þeim hætti að strætisvagninn skall á vörubíl með tengivagni í mikilli hálku. Bílstjórinn fékk mælaborðið á bílnum á annan fótinn með allmiklu höggi á hné. Afleiðingin er mikið mar og brákun sköflungs, en í fyrstu var talið að hann væri brotinn eða sprunginn. „Þetta var ansi hressileg tækling eins og þeir segja í fótboltanum,“ segir Tómas Rúnar Andrésson bílstjóri strætisvagnsins.

 

 

Mikil hálka var á veginum og mjög blint vegna snjókófs. Tómas segist hafa verið á mjög rólegri ferð og búinn að segja farþegum að vegna veðurskilyrða yrði að fara í hægagangi. Þeir sem þyrftu að taka tengivagn yrðu að sætta sig við að missa af næstu ferð. „Það var búið að segja mér frá vörubílnum með tengivagninn á veginum. Svo óheppilega vildi til að honum var lagt þannig á veginn að hann tók alla hægri akreinina. Þrátt fyrir að ég reyndi að læðast framhjá, og litlu munaði að það tækist, rákumst við saman,“ segir Tómas Rúnar. Farþegar í strætisvagninum, sem voru um 40 talsins, urðu fyrir smáskrámum þegar framrúða brotnaði, en ökumann vöruflutningabílsins sakaði ekki.

Þess má geta að vagninn sem laskaðist í þessu óhappi var nýlegur, kallaður gullvagninn. Eldri vagn, sem gárungarnir hafa kallað kæliboxið, var í viðhaldi á verkstæði. Reyndar er búið að koma ágætis miðstöð í þann bíl, að sögn Tómasar Rúnars, þannig að kæliboxnafnið hentar honum ekki lengur.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is