Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. apríl. 2008 11:05

Ræddu framtíð skólamála í Hvalfjarðarsveit

Síðastliðinn laugardag var haldinn opinn íbúafundur um framtíð skólamála í Hvalfjarðarsveit og mættu þar um 50 íbúar sveitarfélagsins. Var fundurinn liður í undirbúningi framkvæmdanefndar um uppbyggingu við Heiðarskóla, en eins og fram kom í ávarpi formanns framkvæmdanefndar í upphafi fundar, stendur nefndin nú á talsverðum tímamótum. Stórar ákvarðanir bíða þess að verða teknar á næstu vikum, svo sem eins og um stærð skóla, val hönnuða, framkvæmdaleiðir og ráðning verkefnisstjóra. “Lykill að slíkri ákvarðanatöku er opin og lýðræðisleg umræða meðal íbúa sveitarfélagsins,” sagði Arnheiður Hjörleifsdóttir, formaður framkvæmdanefndarinnar í samtali við Skessuhorn.

Í upphafi dags voru flutt upplýsandi erindi þar sem fram kom m.a. framtíðarsýn og áherslur skólastjórnenda við Heiðarskóla, niðurstöður verkefnislýsingar fyrir verkefnið og áherslur í skólamálum í nútíð og til framtíðar. Þá blés Andri Snær Magnason, rithöfundur, fundargestum í brjóst með skemmtilegu erindi þar sem hann minnti m.a. á öll þau tækifæri sem til staðar eru í skóla- og fræðuslumálum og í hverju samfélagi fyrir sig.

Eftir hádegisverð og spjall, skiptu fundargestir sér í hópa þar sem öllum gafst tækifæri til að koma hugmyndum sínum og skoðunum á framfæri. “Niðurstöður hópavinnunnar eru mikilvægt fóður í áframhaldandi vinnu framkvæmdanefndarinnar. Ég bendi að lokum á að niðurstöður fundarins, framsöguerindi, myndir og annað efni sem tengist fundinum verður aðgengilegt á heimasíðu Hvalfjarðarsveitar jafnharðan og það berst,” sagði Arnheiður.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is