Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. apríl. 2008 09:18

Námskeið í sýningum kynbótahrossa

Um síðustu helgi bauð Endurmenntunardeild Landbúnaðarháskóla Íslands í samvinnu við Félag hrossabænda upp á námskeið er fjallaði um sýningu á kynbótahrossum. Um 20 manns sóttu námskeiðið en þar af kom um helmingur með hross. Þátttakendur komu af svæðinu frá Snæfellsnesi að Kirkjubæjarklaustri. Leiðbeinendur voru Reynir Aðalsteinsson tamningameistari, Þorvaldur Kristjánsson kynbótadómari og Daníel Jónsson tamninga- og sýningamaður. Námskeiðið var hugsað fyrir hestafólk sem ætlar sér að sýna hross í kynbótadómi og vill auka skilning sinn á því hvernig best er að standa að sýningum á kynbótahrossum og hvaða atriði það eru sem verið er að að meta í byggingu og hæfileikum.

Í upphafi voru hrossin skoðuð með það í huga að finna hvar mætti gera betur og þannig greina hvernig megi bæta undirbúning og þjálfun hestsins og vinnu knapans. Farið var í grunnatriði eins og að allar ábendingar knapa séu réttar og virkar, að hesturinn sé jafn og samspora, að hann sé í jafnvægi andlega og líkamlega og að sátt sé um taumsamband. Hinar ýmsu hlýðniæfingar sem ætlað er að mýkja og styrkja hestinn voru teknar fyrir og það skoðað hvernig þær eru nýttar til þess að móta hinn heilsteypta sýningarhest. Einnig var farið yfir sýninguna sjálfa; annars vegar uppstillingu á hrossum í byggingardómi og hvaða atriði verið er að meta í byggingu hrossa og hins vegar sýningu á hæfileikum og þeim atriðum sem verið er að meta þar. Afrekssýningarmaðurinn Daníel Jónsson sýndi með hvaða hætti best er að stilla hrossum með ólíka byggingu upp þannig að vel færi og tók hrossin til kostanna hvert og eitt miðað við hæfileika þeirra.

 

Á myndinni er María Þórarinsdóttir að sýna gæðing sinn fyrir hæfileikadóm.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is