Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. apríl. 2008 08:25

Akraneskaupstað formlega boðið að taka á móti næstu hópum flóttamanna

Ljósm. Friðþjófur.
Akraneskaupstað hefur formlega verið boðið að annast næstu hópa flóttamanna sem Flóttamannaráð Íslands og Rauði Krossinn ætla að taka á móti í sumar og næsta sumar. Áformað er að 25-30 manna hópar komi til landsins í hvort skipti, eða allt að sextíu manns. Málið var kynnt bæjarstjórn Akraness og Akranesdeild Rauða krossins í síðustu viku, en áður hafði verið fundað með félagsmálanefnd Akraness.

Gísli S. Einarsson bæjarstjóri segir að ákvörðun muni væntanlega liggja fyrir á næstu dögum, enda sé tíminn til stefnu skammur, þar sem áætlað sé að fyrri hópurinn komi til landsins í ágúst eða september. Að sögn Gísla er Akranes að hans mati vel í stakk búið til að takast á við þetta verkefni, sem vissulega sé krefjandi. Bæjarstjórnarmenn séu nú búnir að fá allar upplýsingar er málið snertir, til dæmis varðandi aðkomu ríksins og kostnaðarþátttökuna, en áætlað er að 2,4 milljónum króna verði varið til móttöku á hverjum flóttamanni. Gísli segir að fólk taki jákvætt í þessa málaleitan, en að vísu geri það sér grein fyrir miklu umfangi verkefnisins í ljósi þess mikla fjölda sem von er á. Þarna sé auk þess um fólk að ræða sem þurfi meiri stuðning en aðrir innflytjendur, enda megi búast við að það hafi dvalið um alllangt skeið í flóttamannabúðum. Aðspurður segist Gísli ekki hafa trú á öðru en að það muni takast að útvega leiguhúsnæði, þrátt fyrir mikla spennu á þeim markaði, enda séu byggingarfyrirtæki á Akranesi að byggja húsnæði gagngert til útleigu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is