Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. apríl. 2008 07:30

Gert upp á milli dýra hvað aflífun varðar

Ljósm. nsv.is.
Nokkur umræða hefur verið um svokallaðar minkasíur sem eru tæki til að veiða og aflífa minka. Þessi aðferð felst í því að rör er sett niður í vatn þar sem minkurinn kemst inn í en ekki út aftur og drukknar því. Sif Traustadóttir formaður Dýralæknafélags Íslands segir stéttina alfarið vera á móti þessari ómannúðlegu aflífunaraðferð.

Á sínum tíma þegar minkasíur komu fram sem veiðitæki lagðist Dýraverndunaráð alfarið gegn notkun þessa sem þeir sögðu stríða gegn dýraverndunarlögum. Í sama streng tók dýralæknafélagið og bæði þessi félög hafa ítrekað látið þetta álit sitt í ljós, án mikils árangurs.

Sif segir að drukknun hafi verið notuð áður sem aflífunaraðferð en það réttlæti ekki aðferðina fyrir því. Það sé ekki endilega samasemmerki á milli þess að vera gamalt og gott. „Ég er hrædd um að uppi yrði fótur og fit ef við dýralæknar myndum aflífa hunda og ketti fólks á þennan hátt. Það virðist nefnilega ekki vera sama hvaða dýr er um að ræða. Ef á að aflífa mink má gera það á þennan hátt eða í lásboga eða annan ómannúlegan hátt, en ef um er að ræða dýr sem stendur fólki nær, þá gegnir öðru máli.“

Í mörgum löndum eru sérstök lög um aflífanir á dýrum, þar er drukknun ekki leyfð þar sem það vekur mjög sterk viðbrögð hjá spendýrum. Sú sögn að þeim finnist gott að drukkna er bara þjóðsaga, segir Sif, og komin út frá allt öðru. „Hins vegar liggur fyrir að dýraverndunarlöggjöfin verður endurskoðuð fljótlega. Við erum að vona að þá verði tekið á þessu máli og sérstök löggjöf um aflífun fari þar með þannig að ekki verði gert upp á milli dýra, hvað aflífun varðar.“

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is