Gunnar Sigurðsson afhenti Sveini styrkinn

Í tengslum við afhendingu bæjarstjórnar á gjafaafsali á gamla iðnskólanum til Akraneskirkju sem fram fór síðastliðinn miðvikudag, var Sveini Arnari Sæmundssyni organista kirkjunnar afhentur styrkur frá bæjarstjórn, en síðustu tvö ár hefur hann sótt einkatíma og námskeið í orgelleik til Kaupmannahafnar. Jafnframt hefur hann hug á að sækja námskeið til að auka þekkingu sína í kórstjórn. Bæjarstjórn Akraness veitti Sveini Arnari þennan styrk sem þakklæti fyrir öflugt tónlistarstarf í þágu kirkjunnar og sveitarfélagsins og sem stuðning við það tónlistarnám sem hann stundar jafnhliða.