Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. apríl. 2008 10:30

Jóhanna er langvinsælasti ráðherrann

Í síðustu viku var spurt hér á vef Skessuhorns hvaða ráðherra væri að standa sig best. Athygli vekur hversu afgerandi niðurstaða fæst úr könnuninni, en samtals svöruðu 1028 spurningunni. Flestir eru á því að Jóhanna Sigurðardóttir félagsmálaráðherra sé að standa sig best í starfi, en hrósið hlýtur hún frá 34,6% svarenda. Næstmestrar hylli nýtur Björgvin G Sigurðsson viðskiptaráðherra með 14,5%. Þar skammt undan í þriðja sæti, og jafnframt vinsælasta ráðherra sjálfstæðismanna, er Þorgerður Gunnarsdóttir menntamálaráðherra með 11,9%.

"Þetta hlýjar mér auðvitað um hjartarætur á sama tíma og ég geri mér fullkomlega grein fyrir því að fátt er jafnt fallvalt og skoðanakannanir.  Mér finnst þessi skoðanakönnun endurspegla það viðhorf að velferðarmálin eigi að setja í forgrunn í ríkisstjórninni en mitt ráðuneyti gegnir þar stóru hlutverki þó öll ráðuneytin geri það meira og minna- og auðvitað kemur öll ríkisstjórnin og stjórnarflokkarnir að málum þegar við treystum og bætum velferðarkerfið," segir Jóhanna í samtali við Skessuhorn.

Hún segir jafnframt að það hafi fjölmargir áfangasigrar unnist á velferðarsviðinu þann stutta tíma sem ríkisstjórnin hefur setið, þó enn sé vissulega margt óunnið. "Svona jákvæðir straumar eins og ég finn í þessari niðurstöðu efla mig og hvetja til áframhaldandi baráttu - verkefnin eru ærin," segir hún.

 

Leiðtogarnir skora undir 10%

Leiðtogar stjórnarflokkanna eru ekki að koma sérlega sterkt út úr könnuninni. Geir H. Haarde forsætisráðherra fær 8,3% atkvæða og Ingibjörg Sólrún Gísladóttir 7,7%.

 

Þeir sem njóta minnstrar hylli eru: Össur Skarphéðinsson iðnaðarráðherra með 4,4%, Guðlaugur Þ. Þórðarson heilbrigðisráðherra með 4,3%, Þórunn Sveinbjarnardóttir umhverfisráðherra fær 4%, Kristján Möller samgönguráðherra 1,7% og Árni M. Mathiesen fjármálaráðherra rekur lestina og fær einungis 0,5% atkvæða.

 

Í þessari viku er spurningin hinsvegar þessi: Hvaða ráðherra er að standa sig verst? 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is