Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. maí. 2008 08:16

Bölsýnin fær á baukinn í Dalabúð og Logalandi

Þeir félagar Óskar Pétursson (oftast kenndur við Álftagerði) og Örn Árnason (oftast kenndur við Spaugstofuna) ásamt Jónasi Þóri (oftast kenndur við píanó) ætla að leggja land undir fót og skemmta landsmönnum með gríni, glensi og fallegum söng í sumar.

Nýlega voru þeir á ferðinni í Stykkishólmi og í Ólafsvík. Þeir félagar verða í Dalabúð í Búðardal á laugardagskvöldið næsta og á sunnudag í Logalandi í Borgarfirði. Báðir tónleikarnir hefjast klukkan 20. (Miðasala er við innganginn). Skemmtidagskráin samanstendur af stuttum sketsum og tónlist en Óskar og Örn hafa unnið saman af og til á skemmtunum víða um land en ætla nú að segja svartsýnisspám og bölmóði stríð á hendur. Þeir ætla að ferðast um ásamt Jónasi Þóri og ausa úr gleðiskálum sínum yfir landann. Einnig birtast í dagskránni hjá þeim hinir algjörlega óþekktu Yfirliðsbræður sem ætla sér stóra hluti í skemmtanahaldi landans og jafnvel víðar, ef viðunandi tilboð fæst.

Yfirliðsbræður flytja tónlist þeirra Everly bræðra (á íslensku að sjálfsögðu) og til að fylgja því eftir var gefinn út geisladiskur síðastliðinn mánudag. Þetta er fyrsta sinn sem þeir Örn og Óskar gefa út plötu saman og var hún unnin í hljóðveri FÍH. Jónas Þórir annaðist hljómsveitarstjórn og sá einnig um allar útsetningar. Óskar Páll Sveinsson annaðist hljóðritun og blöndun en undirleik ásamt Jónasi, sem spilaði á píanó, Rhodes og Hammond orgel, voru þeir Ásgeir Óskarsson (trommur), Tómas Tómasson (bassi), Gunnar Þórðarson (kassagítar), Ómar Guðjónsson (kassagítar), Hjörleifur Valsson (fiðla) Sigurður Flosason (saxófónn). 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is