Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. maí. 2008 03:25

Skrifað undir samning um orgel í Stykkishólmskirkju

Í liðinni viku var skrifað var undir samning við Klais orgelsmiðjuna í Þýskalandi um smíði nýs orgels í Stykkishólmskirkju. “Þegar maður sér Stykkishólm fyrst ofan af fjallinu upplifir maður kirkjuna strax á svo sterkan hátt. Það er svo áhrifamikið að sjá sveifluna upp á við í kirkjunni,” sagði orgelsmiðurinn Philipp Klais. “Þegar inn er komið blasa svo við beinar línur og mikil formfesta í húsinu sem er í andstöðu við kirkjuna að utan. Mig langaði til að orgelið yrði formfast en fengi svipaða sveiflu og kirkjan að utan. Einnig finnst mér, þegar inn í kirkjuna er komið, ljósið vera mjög áberandi þáttur í upplifuninni. Það er ljós allsstaðar að og birtan ólík eftir tíma dags og árs. Mig langaði til að orgelið svaraði birtunni og silfraðar pípurnar svari ljósinu. Línurnar eru hugsaðar úr glansandi málmi þannig að orgelið tekur þátt í ljósaspilinu sem spilar svo stóran þátt í upplifuninni.”

Teikning af orgelinu.
Philipp segir að hann muni líklega hafa viðinn í neðri hluta orgelsins eins ljósan og mögulegt er til að halda í léttleikann. Hugmyndin er því sú að þrátt fyrir að orgelið verði stórt með mörgum grunnröddum, þá verður reynt að halda í birtuna og léttleikann eins og kostur er. Til marks um stærðina þá verður lengsta pípan hátt í fimm metra löng.

 

Að lokinni yfirferð yfir sögu og lýsingu á orgelinu settust Unnur Valdimarsdóttir formaður sóknarnefndar og Philipp Klais niður og undirrituðu samninginn í votta viðurvist. Klais orgelsmiðjan var stofnuð árið 1882 í Þýskalandi og hefur fyrirtækið á sínum starfstíma smíðað orgel bæði fyrir kirkjur og tónleikasali um víða veröld. Orgelið í Hallgrímskirkju er frá Klais orgelsmiðjunni og verður orgelið í Stykkishólmskirkju því annað Klais orgelið á Íslandi. Philipp Klais er fjórði ættliður orgelsmiða í þessari fjölskyldu og sonur þess sem smíðaði orgelið í Hallgrímskirkju. Philipp er nú á leið aftur til Þýskalands þar sem hönnunin verður fullkláruð. Þegar hún liggur endanlega fyrir tekur við smíði orgelsins og mun hún væntanlega taka um 6-8 mánuði. Þá verður orgelið sett saman og prófað. Þegar allt er klárt verður orgelið tekið í sundur, því pakkað og það flutt til Íslands þar sem það verður sett saman á ný á sínum stað í Stykkishólmskirkju. Áætlað er að orgelið komi til Stykkishólms í apríl á næsta ári og að það muni taka um 6-8 vikur að setja allt saman á ný og stilla pípurnar. Ef áætlanir ganga eftir þá munu íbúar Stykkishólms væntanlega vígja nýtt orgel í maí eða júní á næsta ári. 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is