Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. maí. 2008 03:05

Aukin neytendavernd barna í burðarliðnum

„Verkefni þetta er til komið vegna fjölmargra athugasemda um að brýnt sé að tekið verði á sívaxandi markaðsáreiti sem beinist að börnum,“ segir Margrét María Sigurðardóttir, umboðsmaður barna en nú hillir undir að reglur verði settar er varða markaðssókn á vörum og þjónustu sem beinist að börnum og unglingum. Reglurnar eru hugsaðar viðbót við gildandi lög og reglur - sem leiðbeinandi reglur, lagðar fram af talsmanni neytenda og umboðsmanni barna, en unnar í nánu samráði við aðila á markaði, almannasamtök, stofnanir og sérfræðinga.

 

 

Undanfarin misseri hefur verið unnið markvisst að því að skapa umgjörð utan um verkefnið, sem kallast Neytendavernd barna. Þann 27. maí verður haldið opið málþing í tengslum við verkefnið þar sem hagsmunaaðilum gefst frekara tækifæri til þess að koma með ábendingar við reglurnar. „Við gerum ráð fyrir góðri þátttöku á þessu málþingi, enda verður fjallað ítarlega um það markaðsumhverfi sem mörg fyrirtæki starfa í og þurfa að aðlaga sig að, þegar leiðbeiningarnar verða að veruleika,“ segir Margrét María.

 

Á opnu málþingi sem embættin tvö héldu ásamt samtökunum Heimili og skóli í mars 2006 kom fram að frekari mörk þyrfti að setja við markaðssókn sem beinist að börnum. Í tillögum þeim sem unnar hafa verið hjá embættunum tveimur er leitast við að ná jafnvægi milli ólíkra sjónarmiða sem komið hafa fram hjá tugum hagsmunaðila, stofnana og sérfræðinga sem leitað hefur verið til. Þannig er ljóst að sumir hefðu viljað ganga lengra í neytendavernd barna. Nú liggja þó fyrir lokatillögur umboðsmanns barna og talsmanns neytenda um hvernig endanlegar leiðbeiningar koma til með að líta út. Meðal helstu atriða eru ákvæði um Almenna markaðssókn þar sem teknar eru fyrir reglur er varða almenna markaðssókn sem beint er að börnum, sem og markpóst og söfnunarleiki. Þá er liður sem fjallar um jákvæða líkamsímynd og hollustu. Þessu til viðbótar eru lagðar fram reglur er varða markaðssókn sem snýr að fjármálum, meðal annars þeirri þjónustu sem bankar veita börnum og unglingum, happdrætti og fjárhættuspilum og hvers konar söfnunarkortum. Þá eru einnig flokkarnir kynferðislegt efni, sjónvarpsefni, kvikmyndir og annað stafrænt efni fyrir börn og loks er yfirgripsmikill flokkur sem nefnist skólar og æskulýðsstarfsemi sem tekur á takmörkun á markaðssókn í skólum og æskulýðsstofnunum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is