Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. maí. 2008 09:30

Betri afkoma hjá Snæfellsbæ en áætlað var

Ársreikningur Snæfellsbæjar og stofnana hans, sem tekinn var fyrir og samþykktur á bæjarstjórnarfundi á dögunum, sýnir umtalsvert betri útkomu bæjarsjóðs en fjárhagsáætlun gerði ráð fyrir. Á samanteknum rekstrarreikningi A- og B-hluta var afgangur að fjárhæð 130,8 milljónir króna, en samkvæmt fjárhagsáætlun var gert ráð fyrir tapi upp á 1,1 milljón króna.

Rekstrartekjur Snæfellsbæjar á árinu námu rúmum 1.300 milljónum af A- og B-hluta, en fjárhagsáætlun gerði ráð fyrir tæplega 1.100 milljónum í rekstrartekjur. Niðurstaða A-hluta sýndi rekstrarafgang að fjárhæð 124,5 millj., en fjárhagsáætlun gerði ráð fyrir 31,7 milljónum í afgang. Afkoman varð því betri sem nemur 92,8 milljónum króna, sem skýrist að mestu leyti af auknum framlögum úr Jöfnunarsjóði sveitarfélaga. Á síðasta ári voru þau 96 milljónum króna hærri en gert var ráð fyrir í fjárhagsáætlun. Veltufé frá rekstri var 296,8 millj. króna og veltufjárhlutfall er 1,66.

 

Heildareignir bæjarsjóðs námu 1.671,1 millj. kr. og heildareignir sveitarfélagsins í samanteknum ársreikningi 2.337,5 milljónum í lok síðasta árs. Heildarskuldir bæjarsjóðs voru 1.283,7 millj. kr. og í samanteknum ársreikningi 1.671,4 milljónir. Fjárfestingar ársins námu samtals 228,9 milljónum og voru þær stærstu tengdar hafnarframkvæmdum.  Heildarskuldaaukning var upp á 66,6 millj. króna.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is