Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. maí. 2008 04:22

Fjölbrautaskóli Snæfellinga útskrifar í sjötta sinn

Í dag útskrifaði Fjölbrautaskóli Snæfellinga 12 nemendur með stúdentspróf. Hrönn Björgvinsdóttir, nemandi á félagsfræðabraut hlaut þrenn verðlaun við útskriftina. Fyrir hæstu einkunn á stúdentsprófi fékk hún verðlaun frá Grundarfjarðarbæ. Fyrir góðan árangur í spænsku og sálarfræði fékk hún verðlaun sem gefin voru af Fjölbrautaskóla Snæfellinga. Jóhannes Fannar Einarsson fékk verðlaun fyrir góðan árangur í stærðfræði frá Kaupþingi banka og fyrir góðan árangur í þýsku fékk hann verðlaun frá Þýska sendiráðinu. Gísli Sveinn Gretarsson fékk verðlaun frá Danska sendiráðinu fyrir góðan árangur í dönsku.

Guðbjörg Aðalbergsdóttir, skólameistari veitti Gísla Vali Arnarsyni verðlaun fyrir störf sín í þágu Nemendafélags FSN en hann hefur verið starfandi við félagið í þau fjögur ár sem hann hefur verið við nám við skólann, seinustu tvö árin var hann forseti nemendafélagsins.

Útskriftarathöfnin hófst á því að Sylvía Ösp Símonardóttir flutti Næturljóð á píanó. Síðar við athöfnina söng Mattías Arnar Þorgrímsson, nýstúdent lagið Dag sem dimma Nátt við undirleik Hólmgeirs S. Þorsteinssonar. Johanna E. Van Schalkwyk, enskukennari kvaddi nýstúdenta fyrir hönd starfsfólks skólans og fyrir hönd útskriftarnema flutti Gísli Sveinn Gretarsson, nýstúdent kveðjuávarp til starfsfólks. Loks fluttu nýstúdentarnir Anna Margrét Pálsdóttir, Bjarne Ómar Nielsen og Gísli Sveinn Gretarsson ásamt Jóni Sindra Emilssyni, nemanda við skólann, frumsamda lagið, Ástin og lífið sem þau tileinkuðu kennurum og öðru starfsfólki við skólann með þökk fyrir undanfarin ár. 

Að dagskrá lokinni var gestum boðið upp á kaffiveitingar í boði skólans.

 

Nemendur sem útskrifuðust af félagsfræðabraut eru þau Anna Margrét Pálsdóttir, Bjarne Ómar Nielsen, Gissur Arnarsson, Gísli Valur Arnarson, Gísli Sveinn Gretarsson, Hrönn Björgvinsdóttir, Ísak Már Símonarson, Kristján Hildibrandsson, María Kúld Heimisdóttir og Mattías Arnar Þorgrímsson. Af málabraut útskrifaðist Berglind Ósk Kristmundsdóttir og af náttúrfræðibraut útskrifaðist Jóhannes Fannar Einarsson.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is