Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. maí. 2008 03:00

Heimildarmynd um ÍA í Sjónvarpinu í kvöld

Í þættinum má meðal annars sjá Gísla Gíslason í ísbaðinu alræmda.
Íþróttadeild RÚV hefur gert hálftíma heimildarþátt um þá miklu framleiðslu fótboltamanna sem verið hefur á Akranesi undanfarna áratugi og vakið hefur heimsathygli. Þátturinn er á dagskrá kl. 18.30 í kvöld og ber heitið “Einn af hverjum nítján”. Nafnið vísar til þess að samkvæmt lauslegum útreikningum verður einn af hverjum nítján drengjum sem fæðast inn í samfélagið á Akranesi frambærilegur fótboltamaður. Í þættinum er leitað skýringa á því hversvegna hlutfall fótknattleiksmanna á Akranesi er það hátt að það er nánast einsdæmi á heimsvísu. Því er velt upp hvort ástæðurnar séu erfðafræðilegar, félagslegar eða jafnvel veðurfræðilegar svo fátt eitt sé nefnt.

Rætt er við fæðingalækni, félagsfræðing, uppeldisfræðing, veðurfræðing, fótboltamömmu, knattspyrnuspekúlanta og fleiri. Helstu knattspyrnuhetjur Skagamanna fyrr og nú koma einnig að við sögu, að sjálfsögðu, og svokölluðum kynslóðaleik á Skaganum eru gerð skil en á annan í Hvítasunnu stigu gamlar og nýjar hetjur inn á völlinn í Akraneshöllinni, hundrað að tölu, og rifjuðu upp gamla takta. Síðast en ekki síst eru í þættinum einstakar myndir af því þegar formaður meistaraflokksráðs ÍA er settur í ísbaðið alræmda.

 

“Einn af hverjum nítján” verður sem fyrr segir á dagskrá Sjónvarpsins í kvöld klukkan 18.30 og endursýndur á miðnætti. Dagskrárgerð önnuðust Gísli Einarsson og Óskar Nikulásson.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is