Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. júní. 2008 02:00

Votlendissetur stofnað á Hvanneyri

Hvanneyringar og gestir þeirra fjölmenntu til hátíðarstundar við Hvanneyrarkirkju um hádegisbil á föstudag. Þá var gengið formlega frá stofnun Votlendisseturs Landbúnaðarháskólans á Hvanneyri. Eftir að Ágúst Sigurðsson rektor Landbúnaðarháskólans hafði kynnt verkefnið, flutti forseti Íslands Ólafur Ragnar Grímsson ávarp og afhjúpaði myndskilti um votlendissetrið í félagsskap yngstu íbúanna á staðnum. Við það tækifæri gat Ólafur Ragnar þess að það væri einmitt velviðeigandi að börnin fengju að taka virkan þátt í þessari athöfn, þar sem allar umbætur eins og verndun votlendis beindist að, væru einmitt gerðar í þágu framtíðarinnar, þeirra sem landið erfa.

Ágúst Sigurðsson rektor rakti forsögu þess að ákveðið var að ráðast í stofnun votlendisseturs á Hvanneyri. Ágúst sagði að landbúnaðarháskólinn hefði tekið við því kefli frá íslensku votlendisnefndinni fyrir tveimur árum, að annast kennslu í votlendisfræðum og sinna alþjóðlegum rannsóknum og samvinnu á þeim vettvangi. Um það leyti sagðist Ágúst einmitt hafa verið staddur í Ohio í Bandaríkjunum ásamt Ólafi Ragnari og fleirum, í heimsókn hjá einum aðalsamstarfsaðila landbúnaðarháskólans, Háskólanum í Ohio. Þar starfar hinn heimsfrægi votlendisfræðingur Bill Mitch. Þaðan hafi komið sterk hvatning um stofnun votlendissetursins á Hvanneyri. Ágúst sagði að votlendið væri lungu jarðarinnar og mjög mikilvægur þáttur í íslenskri náttúru. Hvanneyri væri vel í sveit sett að sinna þessum rannsóknum, áhugavert votlendi væri í nágrenni skólans og í Borgarfirði. Þar væru Hvanneyrarmýrarnar sem um aldir höfðu verið af mörgum taldar matarbúr Borgarfjarðar, þar hefðu margir héraðsbúar bjargað sér með heyskap þegar hart var í ári og þrengdi að.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is