Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. júní. 2008 02:57

Úrbeining svínakjöts flutt í Borgarnes

Fyrirtækið Síld og fiskur flutti í liðinni viku sérhæfða flæðilínu í úrbeiningu svínakjöts frá Hafnarfirði í Borgarnes og styrkir það að nýju starfsemina í húsnæði því sem áður tilheyrði Borgarnes kjötvörum. Síld og fiskur er líkt og Borgarnes kjötvörur, Salathúsið og fleiri, dótturfyrirtæki Sundagarða sem keypti rekstur Borgarness kjötvara um áramót. Stjórnendur þessara fyrirtækja hafa síðan verið að flytja til framleiðslu fyrirtækjanna, hagræða og hætta óarðbærri framleiðslu sem sum hver var í Borgarnesi. Þannig hefur, að sögn Sveins Jónssonar starfsmanns Sundagarða, verið hætt að minnsta kosti um stundarsakir framleiðslu á kæfum og patéi enda hafi reynslan sýnt að um helmingur þeirrar framleiðslu hefur verið skilað óseldri úr verslunum.

Í sumar verður heldur ekki framleitt lambakjöt undir merkjum Borgarness kjötvara, en sú framleiðsla var stór þáttur í starfsemi BK á sinni tíð. Þess í stað hefur nú verið ákveðið að auka við úrbeiningu stórgripa og þá einkum svína í Borgarnesi. Hluti starfsmanna sem áður vann hjá Borgarnes kjötvörum er nú hjá Síld og fiski, en aðrir hjá Stjörnusalati.

 

“Nú eru 22 starfsmenn sem vinna við framleiðslustörf í húsnæði okkar í Borgarnesi og er ríflega helmingur þeirra við úrbeiningu og í skyldum störfum en tæplega helmingur við salatgerðina. Við höfum nú tekið í notkun þessa flæðilínu í Borgarnesi en hún var áður í Hafnarfirði. Flytjast nokkrir starfsmenn af þeim sökum í Borgarnes en fyrir voru margir sem hafa góða þekkingu í þessari vinnslu. Þetta er sérhönnuð flæðilína fyrir svínakjöt, smíðuð hjá Marel,” sagði Sveinn í samtali við Skessuhorn. Hann segir svínakjötið koma úr eigin ræktun fyrirtækisins á Kjalarnesi, en auk þess kaupir Síld og fiskur svín frá Stjörnugrís í Melasveit og frá Hýrumel í Borgarfirði.  

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is