Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. júní. 2008 02:00

Eitt tæknilegasta listaverk landsins vígt á Akranesi

Listaverkanefnd SHA ásamt listakonunni.
Á sjómannadaginn var nýtt og stórglæsilegt útilistaverk með gosbrunni vígt á lóð Sjúkrahússins og heilsugæslustöðvarinnar á Akranesi. Um er að ræða verkið Hringrás eftir myndlistarkonuna Ingu Ragnarsdóttur. Fjölmargir voru viðstaddir vígsluna enda um stóran áfanga að ræða þar sem fjögur ár eru liðin frá því verkefninu var ýtt úr vör. Umhverfi verksins og hellulögn hannaði Áslaug Katrín Aðalsteinsdóttir landslagsarkitekt. Það eru hinsvegar tæknimenn SHA sem eiga heiðurinn af skipulagningu og vinnu við uppsetningu þess. Þeir hafa unnið þrekvirki því hugsa þurfti fyrir ýmsum praktískum atriðum hvað varðar stjórnbúnað og stýrikerfi vatnsins. Til að mynda er vatnsrennslinu stýrt af vindmæli. Þegar vindhraði fer yfir ákveðin mörk hættir rennslið. Því má segja að hér sé á ferð eitt tæknilegasta listaverk landsins.

Verk Ingu var valið eftir að haldin hafði verið samkeppni árið 2004 á vegum Sambands íslenskra myndlistarmanna þar sem 30 listamenn tóku þátt. Listskreytingasjóður ríkisins og OR lögðu stærsta framlagið til verksins en auk þeirra komu að fjármögnun þess Landsbankinn, Glitnir, BM Vallá,  Sementsverksmiðjan og Akraneskaupstaður. Sigurður Ólafsson, fyrrum framkvæmdastjóri sjúkrahússins til 30 ára, sagði í ávarpi sínu á sunnudag að fyrir sér væru þetta mikil tímamót. Hann hefði alltaf haft áhuga á að koma upp veglegu útilistaverki á lóð sjúkrahússins og nú væri það loks orðið að veruleika. Sigurður sat í listaverkanefnd SHA ásamt þeim Helgu Gunnarsdóttur fyrrum stjórnarmanni og Guðjóni Brjánssyni forstjóra. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is