Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. júní. 2008 09:15

Útför Alexanders Stefánssonar í dag

Í dag klukkan 14 verður útför Alexanders Stefánssonar, fv. alþingismanns og ráðherra gerð frá Ólafsvíkurkirkju, en hann lést miðvikudaginn 28. maí síðastliðinn, 85 ára að aldri. Alexander fæddist í Ólafsvík 6. október 1922. Foreldrar hans voru hjónin Stefán Sumarliði Kristjánsson vegaverkstjóri og Svanborg María Jónsdóttir húsmóðir. Auk skyldunáms lauk hann héraðsskólaprófi á Laugarvatni árið 1940 og samvinnuskólaprófi í Reykjavík árið 1943. Að námi loknu varð Alexander starfsmaður við kaupfélagið Dagsbrún í Ólafsvík og kaupfélagsstjóri þar frá 1947. Hann varð skrifstofustjóri Ólafsvíkurhrepps 1962, oddviti og síðan sveitarstjóri 1966-1978.  Alexander vann mikið fyrir Ólafsvíkursöfnuð og kirkjuna, söng í kór hennar og var formaður sóknarnefndar í áratugi.

Í alþingiskosningunum 1978 var Alexander kjörinn alþingismaður fyrir Framsóknarflokkinn í Vesturlandskjördæmi og sat á þingi til 1991. Á árunum 1972-1974 sat hann þrisvar á Alþingi sem varaþingmaður, en alls sat hann 14 þing. Hann var fyrsti varaforseti neðri deildar 1979-1983. Hann var félagsmálaráðherra í ríkisstjórn Steingríms Hermannssonar árin 1983-1987.

 

Alexander kom víða við í félags- og framfaramálum. Hann var til að mynda formaður Samtaka sveitarfélaga á Vesturlandi frá stofnun þeirra 1969 til ársins 1976, í stjórn Sambands íslenskra sveitarfélaga 1974-1982, varaformaður síðustu fjögur árin, í stjórn Hafnasambands sveitarfélaga 1969-1982 og stjórn Innheimtustofnunar sveitarfélaga frá upphafi 1971-1982. Í bankaráði Útvegsbanka Íslands sat hann 1976-1983. Er þá fátt talið af margvíslegum forystustörfum hans í sveitarstjórnarmálum, heilbrigðismálum og fjármálum sveitarfélaga og ríkisins.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is