Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. júní. 2008 01:37

Minna tjón en ætla mátti í brunanum í morgun

Eins og greint var frá í morgun kom upp eldur í húsnæði Járnblendiverksmiðjunnar á Grundartanga um sjöleytið í morgun. Töluvert tjón varð í þeim hluta verksmiðjunnar sem nýja framleiðslulínan er til húsa, en þar er framleiddur verðmætari málmur. Mikill viðbúnaður var vegna brunans og fór m.a. Slökkvilið Akraness og Hvalfjarðarsveitar á staðinn. Allar viðbragðsáætlanir gengu eftir og hefur það vafalaust forðað meira tjóni en varð. Einar Þorsteinsson, forstjóri Járnblendiverksmiðjunnar segir tjónið eins lítið og hugsast getur miðað við aðstæður. Aðstæður við húshlið verksmiðjunnar bentu til enn meira tjóns en varð innan dyra. 40 til 50 fermetra klæðning á húshlið brann. Einar segir ómögulegt að segja til um hvað tjónið sé í peningum talið, en það væri ótrúlega lítið miðað við ef framleiðslulínan eða aðalbúnaður verksmiðjunnar hefði skemmst í þessum bruna.

Tjónið liggur aðallega í eyðileggingu klæðningar á húsinu og nokkrum kílómetrum af köplum og lögnum sem brunnu. Eins og fyrr segir slapp aðalbúnaður verksmiðjunnar við tjón og ekki varð mikið tjón á framleiðslu. Þetta óhapp þýðir enn frekari tafir á því að koma nýju framleiðslulínunni vel af stað og segir Einar að þær tafir muni nást upp síðar.

 

„Það er þó mjög jákvætt í þessu, að allar viðbragðsáætlanir gengu eftir og starfsmenn brugðust hárrétt við, þannig að sá þáttur virðist vera í lagi,“ sagði Einar, en verið er að rannsaka orsakir óhappsins. Einar segir greinilegt að eitthvað hafi gerst í ofni framleiðslulínunnar þar sem magnesíum er blandað í málminn og gerir hann verðmætari en hefðbundna framleiðslu. Þessi nýja framleiðslulína var flutt frá Noregi og byrjað var að undirbúa uppsetningu hennar á árinu 2006. Á þessari nýju framleiðsluvöru á framtíð Járnblendiverksmiðjunnar að byggjast.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is