Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. júní. 2008 07:25

Hátíð í Logalandi í dag vegna aldarafmælis UMFR

Ungmennafélag Reykdæla í Borgarfirði fagnar nú hundrað ára afmæli en félagið var stofnað í Deildartungu á sumardaginn fyrsta árið 1908. Félagið er síungt og starfar enn af fullum krafti. Félagið á og rekur félagsheimilið Logaland í Reykholtsdal. Logaland hefur frá upphafi verið alfarið í eigu félagsins og þar hafa félagsmenn iðkað leiklist nánast frá stofnun félagsins, staðið fyrir ýmiss konar skemmtunum og dansleikjum, yngri deildar starfi, bókasafn Reykdæla er í húsinu og svo mætti lengi telja. Þá stendur Ungmennafélag Reykdæla fyrir reglubundnum íþróttaæfingum árið um kring.

Í tilefni afmælisins munu félagsmenn standa fyrir veglegri veislu í Logalandi í dag, þjóðhátíðardaginn 17. júní. Dagskráin hefst árdegis með hópreið til messu í Reykholti. Að messu lokinni verður þjóðleg hangikjötsmáltíð í Logalandi. Eiginleg afmælisdagskrá hefst svo kl. 15:00 með formlegri vígslu nýbyggingar við Logaland. Sr. Geir Waage sóknarprestur í Reykholti flytur húsblessun. Skemmtidagskrá verður bæði innan- sem utanhúss. Á dagskrá verður m.a. Reykholtskórinn, hin nýstofnaða hljómsveit Brot en hana skipa nemendur úr Tónlistarskóla Borgarfjarðar, Jóhanna Guðrún lítur við, fjallkonan les ljóð, ávörp gesta, farið verður í leiki og þrautir á flötinni við Logaland og hin ómissandi og um leið nokkuð ógnvekjandi karamelluflugvél verður á sveimi.

 

Ungmennafélag Reykdæla býður alla félagsmenn fyrr og síðar, sem og aðra velunnara félagsins velkomna til afmælishátíðar. Það er einlæg ósk félagsmanna að sem flestir sjái sér fært að koma og fagna þessum merka áfanga í sögu félagsins, njóta afmælisdagskrár og þiggja kaffiveitingar.

(fréttatilkynning)

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is