Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. júní. 2008 01:15

Ljótu hálfvitarnir í Logalandi

Mánudagskvöldið 16. júní nk. heldur þingeyska gleðistórsveitin Ljótu hálfvitarnir tónleika í Logalandi. Tónleikarnir eru liður í 100 ára afmælisfagnaði Umf. Reykdæla. Þetta verða fyrstu opinberu tónleikar hljómsveitarinnar á Vesturlandi, en í fyrra spiluðu hálfvitarnir reyndar nokkur lög á Írskum dögum á Akranesi. Írsk áhrif eru vel greinanleg í tónlist hljómsveitarinnar, sem má kannski lýsa sem einhverskonar þjóðlagapopprokki með áherslu á fyndna og almennilega gerða texta. Hljómsveitin náði athygli þjóðarinnar með sigri í sjómannalagakeppni Rásar 2 í fyrra með laginu "Sonur hafsins", en þar biður einn hálfvitanna forfeður sína í sjómannastétt afsökunar á að feta ekki í fótspor þeirra. Hálfvitarnir eru því alsælir með að fá tækifæri til að skemmta Vestlendingum í hæfilegri fjarlægð frá hafinu.

“Ljótu hálfvitarnir svífast einskis í viðleitni sinni til að skemmta gestum sínum. Tónleikar hljómsveitarinnar einkennast af talsverðum bægslagangi, enda skipa hana níu menn (hálfvitar) á misjöfnum aldri, sumir feitir, og sífellt að skipta um hljóðfæri. Sumir segja að þær tilfæringar bæti upp með sjónarspili það sem á vantar í tónlistarlegri fágun,” segir í fréttatilkynningu frá gleðibandinu.

 

Konsertinn hefst kl. 21. Miðasala verður við innganginn og hefst hálftíma fyrr. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is