Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. júní. 2008 10:35

Borgarverk tekur yfir aðalverktöku við menntaskólabyggingu

Vegna rekstrarerfiðleika byggingafyrirtækjanna Ans ehf. og Sólfells ehf. hefur náðst samkomulag um að fyrirtækin hætti aðalverktöku í byggingu Menntaskóla Borgarfjarðar í Borgarnesi og hverfi alfarið frá verkinu. Menntaborg ehf., stjórn skólans, hefur nú samið við Borgarverk í Borgarnesi um að fyrirtækið yfirtaki allar skyldur Sólfells og Ans varðandi þriðja og síðasta áfanga byggingarinnar. Ritað var undir samkomulag þess efnis sl. mánudag. “Vonast stjórn MB og byggingarnefnd til þess að fullur kraftur verði nú settur í verkið en mikilvægt er að skólabyggingin verði fullkláruð að innan fyrir skólabyrjun um miðjan ágúst n.k. og að vígsla hússins fari fram fyrir þann tíma,” segir í tilkynningu sem stjórnin hefur sent undirverktökum sem unnið hafa við bygginguna.

Gert er ráð fyrir að fulltrúar Borgarverks boði undirverktaka að verkinu til fundar á morgun, 12. júní og farið verði yfir stöðu mála með þeim og samkomulagið kynnt.  Helga Halldórsdóttir, formaður byggingarnefndar MB sagði í samtali við Skessuhorn að þessi ráðagjörð væri besta lausnin sem möguleg var í stöðunni og muni líklega leiða til þess að hægt verði að vígja fullbúið skólahúsnæði fyrir upphaf haustannar eins og til stóð. “Við vildum tryggja hagsmuni allra, þ.m.t. skólans, undirverktaka og annarra sem tengjast byggingunni með einhverjum hætti. Ég er ánægð með að Borgarverk taki verkið að sér en þar á bæ hafa menn sýnt góðan og ábyggilegan rekstur og það er einmitt það sem Menntaskóli Borgarfjarðar og aðrir hagsmunaaðilar þurfa núna,” sagði Helga. Hún segir að ýmiss sérhæfð iðnaðarmannavinna sé eftir við bygginguna, lóðafrágangur og koparklæðning, en hana munu framleiðendur frá Þýskalandi væntanlega setja upp í sumar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is