Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. júní. 2008 10:28

Fullyrða að Guðjón sé ekki á leiðinni til Hearts

„Mér er bæði ljúft og skylt að koma því á framfæri að Guðjón Þórðarson er ekki á leiðinni til Hearts og eru þeir því „broken hearts“ hafi þeir á annað borð haft hug til þess að ræða við Guðjón eða Knattspyrnufélag ÍA,“ segir Gísli Gíslason formaður í pistli á heimasíðu félagsins. Þetta skrifar hann vegna þeirra þrálátu sögusagna sem nú hafa skotið upp kollinum að nýju, eftir að hafa legið í dvala frá liðnum vetri, um að Guðjón sé á leiðinni að taka við knattspyrnustjórn hjá skoska úrvalsdeildarliðinu Hearts.

Gísli þvertekur fyrir að nokkuð sé til í þessum sögusögnum og Guðjón hafi verið uppi á golfvelli í allan gærdag að spila ásamt góðum félögum og sýnt þar snilldartakta. Skoska blaðið Daily Record fullyrðir að Guðjón hafi verið staddur í Skotlandi í gær til að skrifa undir samning. Ljóst er að þessi fullyrðing stenst ekki og um það geta vitnað auk Gísla, Bjarni sonur Guðjóns, Jón Þór Hauksson aðstoðarþjálfari og Reynir Leósson sem voru með Guðjóni á golfvellinum.

 

„Það er okkur mikill heiður að eftir okkar mönnum eins og Guðjóni sé leitað hjá eðalklúbbum víða. Það sýnir að vert er að hlusta á það sem hann er að segja, en hann má ekki opna munninn hér á landi, þá er hann settur í bann. Þannig er það með okkar bestu menn; hann og Stefán Þórðarson, að þeir virðast njóta best sinnar frægðar að utan,“ segir Gísli.

 

Of gamall fyrir bull og blaður

Guðjón segir hinsvegar í samtali við Vísi geta staðfest að leitað hafi verið til sín frá Hearts en lengra sé málið ekki komið. „Ég sagði þeim að ég væri til í að skoða þetta mál ef forsendur eru réttar. Ég er einfaldlega orðinn of gamall fyrir bull og blaður," segir Guðjón í samtali við vefmiðilinn Vísi. Þess má geta að Hearts endaði í áttunda sæti skosku úrvalsdeildarinnar á nýafstöðnu tímabili. Landsliðsmaðurinn Eggert Gunnþór Jónsson leikur með liðinu og eigandi þess er hinn skrautlegi litháíski milljarðamæringur Vladimir Romanov.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is