Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. júní. 2008 04:31

Lítur ágætlega út með aðsókn á IsNord

„Þetta lítur ágætlega út, reyndar er það þannig að margir mæta bara og eru ekkert að panta fyrirfram. Það er talsvert búið að bóka á tónleikana í kvöld og annað kvöld, en minna á tónleikana í Borgarneskirkju um miðjan dag á morgun. Ég hef áhyggjur af  mætingu þar ef veðrið verður mjög gott,“ segir Jónína Erna Arnardóttir píanóleikari sem stendur nú í fjórða skiptið fyrir tónlistarhátíðinni IsNord í Borgarfirði. Hátíðin hefur undanfarin ár gengið vel og verið kærkomin viðbót við menningarflóruna í Borgarfirði.

Hátíðin byrjar í kvöld með tónleikum Hjaltalín í Gamla mjólkursamlaginu. Á morgun leikur einmitt Jónína Erna í Borgarneskirkju við söng danska tenórsins David Danholt og fyrirlestur verður í Tónlistarskóla Borgarfjarðar um Carl Nielsen og Anne Marie Brodersen.

Annað kvöld verða svo í Hótel Borgarnesi, tangótónleikar og ball sem bera yfirskriftina „Blóðhiti í Borgarfirði“. Þar leikur norsk tangóhljómsveit ásamt íslenska tangóparinu Bryndísi Halldórsdóttur og Hany Hadaya.

 

Jónína segir að lítið sé farið að bóka á tónleika í Reykholtskirkju á sunnudag, en dæmin sanni að tónleikar í Reykholti séu jafnan vel sóttir. Þar stígur úrvalslið af Húsafellsætt á stokk og flytur fjölbreytta tónlist. Jónína segist fá góðan stuðning við tónlistarhátíðina og aðstoð frá Margréti Guðjónsdóttur í Tónlistarfélagi Borgarfjarðar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is