Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. júní. 2008 01:20

Vill fara að fordæmi Akureyringa

Akurnesingur sem býr skammt frá tjaldstæðum bæjarins við Kalmansvík hafði samband við Skessuhorn vegna fréttar í síðasta blaði þar sem vitnað er í fund tómstunda- og forvarnanefndar Akraneskaupstaðar, þar sem kvatt var til þess að haft yrði samband við unglingaráð bæjarins við undirbúning dagskrár Írsku daganna sem verða í byrjun næsta mánaðar.

„Það sem vakti athygli mína við lestur þessarar fréttar var hve illa nefndin er upplýst um ástandið á unglingum á Írskum dögum á sl. sumri. Unglingarnir voru ekki með fjölskyldum sínum á skemmtunum hátíðarinnar né við grillgötur í bænum. Þeir voru á tjaldsvæðinu, flestir undir 18 ára aldri og komust því ekki á dansleik sem haldinn var, heldur voru við drykkju og í skrílslátum á annan sólahring á tjaldsvæðinu.

Þar héldu þeir íbúum í nágrenni tjaldsvæðisins í gíslingu, þar sem ekki mátti yfirgefa hús né eigur, þar sem ruðst var inn á lóðir fólks og eigur skemmdar,“ segir bæjarbúi þessi sem óskar að nafn sitt komi ekki fram.

 

Hann segist taka undir þá ósk unglinganna að sjá meiri þátttöku hins almenna Skagamanns í hátíðarhöldunum, en til þess að það sé gerlegt þurfi að setja aldurstakmark á tjaldsvæðið, svo sem að þar sé ungmennum undir 23ja ára aldri ekki heimilt að tjalda eins og gert var á Akureyri. Það segir hann hafa tekist vel á Akureyri og úr hafi orðið fjölskylduvæn skemmtun um verslunarmannahelgi. „Með þessu er hægt að gera Írsku dagana fjölskylduvæna og skemmtilega og allir geti tekið þátt í skemmtuninni þessa helgi,“ segir þessi ágæti Akurnesingur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is