Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. júní. 2008 09:50

Bæjarstjóri ræddi um flóttafólk og fólksfjölgun

„Síðastliðna átján mánuði hefur okkur Akurnesingum fjölgað um sem nemur 25 til 40 manns á mánuði eða um 590 manns frá 1. desember 2006. Þetta eitt og sér vekur mikla ánægju og gerir um leið miklar kröfur til bæjarfélagsins að standa vel að málum og bjóða alla hingað komna velkomna til búsetu sem lengst. Akranes er góður búsetukostur,” sagði Gísli S. Einarsson bæjarstjóri m.a.í þjóðhátíðarávarpi sínu á Akratorgi í gær. Gísli gerði í framhaldi af þessu komu flóttamanna til Akraness að umræðuefni: „Ágætu Akurnesingar. Ákveðið hefur verið að taka á móti allt að 30 flóttamönnum á næstu mánuðum, einstæðum mæðrum og börnum þeirra. Enn vitum við ekkert um stærð fjölskyldnanna, aldur fólksins sem kemur, eða annað sem það snertir. Það eina, sem er víst, er að þeir sem hingað koma hafa lifað við einhverjar verstu aðstæður sem unnt er að ímynda sér. Þetta verkefni er krefjandi. Hjálpumst öll að við að gera þá sem vilja úr þessum hópi að Akurnesingum.”

 

 

Í ræðu sinni minntist Gísli forfeðra, foreldra og þeirra sem skópu þær aðstæður sem við búum við í dag. „Það er varla mannsaldur síðan kveikt var á fyrstu ljósaperunni á Akranesi. Hvað þá að til væru heimilistæki eins og sími eða sjálfsögð þægindi nútímans,” sagði hann.

 

Ágætis þátttaka var í hátíðarhöldunum á Akranesi. Auk bæjarstjórans flutti Herdís Þórðardóttir alþingismaður ræðu á Akratorgi og ávarp fjallkonu flutti Þórgunnur Stefánsdóttir. Gengið var í skrúðgöngu frá torginu í Akraneshöll þar sem skemmtidagskrá var fram á kvöld. Dagskrá þjóðhátíðardagsins hófst hins vegar klukkan tíu um morguninn á Safnasvæðinu að Görðum, þar sem fólk á öllum aldri kom saman í veðurblíðunni, fékk sér morgunkaffi og yngri kynslóðin gat fengið andlitsmálun í tilefni dagsins auk þess sem hestamenn leyfðu krökkum að fara á bak gæðingum. Um kvöldið var síðan fjölskylduskemmtun í Akraneshöllinni þar sem ýmsir skemmtikraftar komu fram.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is