Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. júní. 2008 04:11

Helgigöngur um gamlar þjóðleiðir

Á toppi jökulsins á sumarsólstöðum
Um Jónsmessuna verða gengnar tvær helgigöngur um gamlar þjóðleiðir í þjóðgarðinum Snæfellsjökli. Gengið er á tveimur dögum frá fornum aflögðum kirkjustöðum að gömlum kirkjustöðum þar sem enn standa kirkjur. Helgigöngurnar eru samstarfsverkefni þjóðgarðsins og Ingjaldshólskirkju. Göngustjóri verður Sæmundur Kristjánsson, sagnamaður í Rifi, leiðsögumaður og landvörður. Hann nýtur aðstoðar fleiri við göngustjórnina.  Í fréttatilkynningu frá þjóðgarðinum segir að margt fróðlegt og skemmtileg sé að sjá og beri á góma svo sem sögur af merkum atburðum og minnisstæðu fólk. Þá komi fram helgisagnir og þjóðlegur fróðleikur, sem tengist leiðinni og lífi fólks að fornu og nýju. Gangan tekur tvo daga og er gengið í áföngum.

Mánudaginn 23. júní er gengið frá rústum bæjarins Saxhóls að Ingjaldshóli. Eftir helgistund og fararblessun verður gengið fram á Jónsmessunótt en farin verður gamla þjóðleiðin um Prestahraun. Þriðjudaginn 24. júní, á Jónsmessu, hefst seinni áfanginn. Þá verður farið með rútu frá Hellnakirkju að Djúpalónssandi en þaðan er stuttur gangur að Einarslóni. Þar hefst svo gangan eftir helgistund og fararblessun. Gengin verður gamla þjóðleiðin til Purkhóla með Háahrauni að forna kirkjustaðnum á Laugarbrekku og að Hellnakirkju. Þar lýkur göngunni með næturmessu.

 

Hægt er að ganga hluta leiðanna, eða eftir því sem orka leyfir. Fólki er bent á að hafa með sér drykkjarvatn og annað nesti. Ekkert þátttökugjald er í ferðirnar en gistimöguleikar eru ýmsir í nágrenninu, bæði hótel og tjaldstæði. Upplýsingar má nálgast á vefnum www.ust.is

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is