Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. júní. 2008 01:57

Pollamót í Mallorkaveðri á Skaganum

Heimamenn undirbúa fyrstu leikina
Sólríkur dagur heilsaði Akurnesingum með hrópum og köllum ungra knattspyrnumanna sem mættir voru á Kaupþingsmótið sem sett var í Skagahöllinni rétt fyrir hádegið í dag af Gísla S. Einarssyni bæjarstjóra. Mótið er fyrir sjö og átta ára stráka í sjöunda flokki og er vel sótt af félögum á Faxaflóasvæðinu. Um 100 lið eru mætt til keppni, um það bil tíu fleiri en í fyrra. Fótboltamennirnir ungu losa þúsundið og reikna má með að um 4000 manns séu mættir á Skagann vegna mótsins.

Kaupþingsmótið stendur fram yfir hádegi á sunnudag og í nógu er að snúast á meðan það stendur. Leiknir verða hátt í 400 leikir á um 15 völlum. Mikil skemmtun verður í Akraneshöllinni annaðkvöld, laugardagskvöld, en þá er venjan að strákarnir bregði á leik í ýmsum þrautum og sýni aðrar hliðar en sjást á vellinum.

 

Fyrirkomulag Kaupþingsmótsins er öðruvísi en á mörgum öðrum krakkamótum, þar sem liðunum er getuskipt eftir keppni fyrsta daginn og er því um jafnari keppni að ræða þegar úrslitin nálgast. Sumir hafa viljað kalla þetta fyrirkomulag jafningjaleika, en einnig hefur verið til þess tekið hvað allt skipulag er gott og tímasetningar standast vel á Kaupþingsmótinu á Akranesi, þrátt fyrir að þetta sé eitt allra stærsta pollamót á landinu. Vart þarf að taka fram að víða eru nú tjöld uppi á Skaganum vegna mótsins. Grasbalarnir við Safnasvæðið eru til að mynda þaktir húsbílum og tjaldbúðum ýmiss konar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is