Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. júní. 2008 11:16

Minnisvarðar um skáldin þrjú úr Saurbænum

Nú er verið að undirbúa uppsetningu minnisvarða um skáldin þrjú úr Saurbænum, þá Stefán frá Hvítadal, Stein Steinarr og Sturlu Þórðarson. Minnisvarðarnir verða þrjár steinsúlur, sem komið verður fyrir á hóli við Staðarhólskirkju þaðan sem gott útsýni er til æskustöðva skáldanna.  „Þetta voru allt Dalamenn þótt þeir hafi dvalið misjafnlega lengi í Saurbænum og verið upp á misjöfnum tíma, því Sturla Þórðarson var auðvitað uppi á þrettándu öld en hinir á þeirri tuttugustu,” segir Sigurður Þórólfsson frá Fagradal, sem ásamt fleirum vinnur að undirbúningnum. 

Sigurður segir ætlunina að afhjúpa minnisvarðana 23. ágúst næstkomandi. Hann segir Stefán frá Hvítadal hafa komið 14 ára í Saurbæinn en síðan flutt með fósturforeldrum til Noregs og þaðan aftur í Saurbæinn, þar sem hann andaðist 45 ára gamall. Steinn Steinarr ólst upp í Saurbænum en flutti suður um tvítugsaldur. Sigurður segir hann hafa borið hlýjar tilfinningar til æskustöðvanna í Dölum og oft haft orð á því. Hann sagðist gera ráð fyrir að sömu tilfinningar hafi Dalamaðurinn Sturla Þórðarson borið í brjósti fyrir meira en 700 árum síðan.

 

 

Á myndinni eru þeir Sigurður Þórólfsson, Sigurður Jökulsson og Stefán Jónsson að undirbúa uppsetningu minnisvarðanna. Hér standa þeir, þar sem steinsúlurnar þrjár verða; á hóli við Staðarhólskirkju. Ljósm: Helga H. Ágústsdóttir.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is