Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. júní. 2008 10:00

Tjaldstæðisbann á ungmenni yngri en 23 ára á Írskum dögum

Frá Írskum dögum 2007
Í ljósi mikilla skrílsláta á tjaldstæði bæjarins við Kalmansvík á Írskum dögum, sérstaklega á síðasta ári og að fenginni umsögn lögfróðra manna, hafa aðstandendur hátíðarinnar ákveðið að takmarka aðganginn að tjaldstæðinu við fjölskyldufólk, þ.e.a.s. foreldra með börnin sín og einstaklinga 23 ára og eldri. Tómas Guðmundsson verkefnisstjóri Akranesstofu segir liggja fyrir að Akraneskaupstaður sé í fullum rétti með þessa ákvörðun sína. „Þarna er einfaldlega verið að tryggja hagsmuni almennings, gesta á tjaldsvæðinu, hátíðarinnar Írskra daga og ekki síst fólksins í kring sem hefur þurft að upplifa ýmislegt misjafnt á Írskum dögum undanfarin ár vegna óláta og slæmrar umgengni.“

Tómas segir að engu að síður verði öflug gæsla á svæðinu en því fylgt mjög fast eftir að reglur um takmörk verði virtar auk almennra reglna sem gilda á tjaldsvæðum landsins. Ungmenni undir lögaldri verði umsvifalaust send heim og öflug fíkniefnaleit verður á svæðinu. Enginn fái að vera á tjaldsvæðinu nema þeir sem geta sýnt fram á að hafa greitt þar aðgangseyri. Öðrum verði vísað burt af svæðinu.

 

„Í ljósi atburða og viðbragða við þeim sl. ár var tekin sú ákvörðun að reyna að takmarka aðgang að tjaldsvæðinu og miða við þann aldur sem mest hefur haft sig í frammi undanfarin ár. Öllum þeim sem komu að gæslu og öðrum verkefnum á tjaldsvæðinu undanfarin tvö ár bar saman um að þar væri mest áberandi ungt fólk á aldursbilinu 17-23 ára auk þess sem mikið var af yngri krökkum á svæðinu, sem margir voru reyndar frá Akranesi.“

 

Tómas segir að enginn gleðjist yfir því að þurfa að taka ákvörðun sem þessa. „Það er satt best að segja hálfömurlegt að þurfa að úthýsa fólki með þessum hætti, en í ljósi atburða undanfarinna ára þá eru ekki margir kostir í stöðunni og því miður verður ekki bæði sleppt og haldið. Það er ekki hægt að skammast yfir aðgerðaleysi á tjaldsvæðum eitt árið og fordæma svo þær aðgerðir sem gripið er til næsta ár. Málið er því miður ekki svo auðvelt. Annað hvort höldum við óbreyttri stefnu og eigum á hættu að allt endurtaki sig, en grípum til aðgerða,“ segir Tómas Guðmundsson verkefnisstjóri Akranesstofu.

Sjá grein frá Tómasi á öðrum stað í blaðinu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is