Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. júní. 2008 10:19

Enn skora Skagamenn ekki nógu mörg mörk

Skagamenn voru virkilega svekktir eftir leikinn gegn Þrótti á mánudagskvöld og máttu alveg vera það. ÍA-liðið var mun betri aðilinn en það er eins og vanti eitthvað sjálfstraust eða græðgi til að skora nægjanlega mörg mörk til að vinna leiki. Skaginn átti að vera búinn að gera út um leikinn talsvert áður en þeir komust yfir upp úr miðjum síðari hálfleiknum. Jafntefli á heimavelli í leik eftir leik telur of lítið þegar upp er staðið og nú er ekkert annað að gera fyrir Skagastráka en að bretta upp ermar og fara að hala inn fleiri stig ef botnslagurinn á ekki að vera viðvarandi hjá liðinu á þessari leiktíð.

Það var sama sagan og í heimaleikjunum að undanförnu að gestirnir byrjuðu heldur betur og það tók Skagamenn einar tíu mínútur að komast í gang. Ekkert markvert fór þó að gerast í leiknum fyrr en ÍA-liðið tók við sér og nokkrar efnilegar sóknir buldu á vörn Þróttar undir miðbik hálfleiksins og Bjarki Guðmundsson mátti hafa sig allan við í markinu. Leikurinn jafnaðist síðan aftur og helsta færið á kaflanum fram að hléi var þegar Magnús Már Lúðvíksson skaut í marksúluna hjá Skaganum rétt undir lokin.

 

Skagamenn áttu gjörsamlega seinni hálfleikinn framan af og gerðu harða hríð að marki Þróttara. Oft var Þórður Guðjónsson arkitektinn á bak við gott sóknarspil liðsins. Dario Singel fékk gott færi á 52. mínútu þegar skot hans rétt utan markteigs geigaði. Stefán Þórðarson var nálægt því að ná til boltans á markteig í góðu færi á þeirri 59. Þá var komið að kafla Guðjóns Heiðars Sveinssonar besta manns Skagans í leiknum. Hann átti góð skot á markið á bæði 65. og 68. mínútu og sérstaklega var seinna skotið gott, af um 30 metra færi og sleikti boltinn utanverða stöngina. Á 71. mínútu kom svo markið. Þórður Guðjónsson sendi fyrir, einn Skagamaður sleppti boltanum sem barst til Guðjóns sem skoraði af öryggi með því að senda boltann milli fóta Bjarka.

 

Strax eftir markið var Þórði Guðjónssyni skipt út af, en því miður virðist þessi snjalli leikmaður ekki vera í líkamlegu standi til að klára leiki og er það slæmt því skipulag sóknarleiks ÍA-liðsins byggist mikið á hans framlagi. Skömmu síðar var Stefán Þórðarson einnig tekinn af velli og eftir þetta var óskaplega lítið bit í sóknarleik Skagamanna. Inn á komu í stað þeirra Þórðar og Stefáns, Árni Ingi Pétursson og Aron Ýmir Pétursson. Þróttarar sáu að nú varð að gera eitthvað til að bjarga stigi eða stigum og voru þeir mun betri aðilinn næstu mínúturnar. Þeir áttu góða sókn tíu mínútum eftir markið, á 81. mínútu. Hjörtur Hjartarson fyrrum leikmaður ÍA fékk boltann á teignum, smeygði sér laglega framhjá einum varnarmanni ÍA lék á annan og renndi boltanum í hornið framhjá Madsen. Þróttur gerði síðan harða hríð að Skagamarkinu í tvígang undir lok venjulegs leiktíma. Skagamenn áttu svo mjög hættulega sókn á 91. mínútu þar sem Þróttari bjargaði á línu.

 

Uppskeran úr þessum leik, 1:1 jafntefli, er heldur rýr miðað við gang leiksins, eins og áður segir. Skagaliðið er nú með sjö stig eftir átta leiki, í tíunda sæti deildarinnar. Næsti leikur ÍA verður gegn gömlu erkifjendunum KR-ingum í Frostaskjólinu nk. mánudagskvöld. KR hefur verið á mikilli siglingu í deildinni að undanförnu eftir slaka byrjun, voru fyrir leik Vals og FH í gærkveldi í  5. sæti með 12 stig. Fram og Fjölnir voru þar fyrir ofan með 15 stig, FH með 16 og Keflavík 18.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is