Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. júní. 2008 02:06

Hátíðin Heim í Búðardal verður 12. júlí

Miðbrautin verður í öndvegi á hátíðinni
Laugardaginn 12. júlí verður blásið til bæjarhátíðar í Dalabyggð með fjölskylduhátíðinni „Heim í Búðardal.” Þar er að sjálfsögðu verið að vísa til vinsæls dægurlagatexta Þorsteins Eggertssonar, sem Ðe Lónlí Blú Boys gerðu landsfrægann á sínum tíma. „Við erum í rauninni að flytja Leifshátíðina, sem verið hefur á Eiríksstöðum, til Búðardals með víkingaímyndinni og öllu sem henni fylgir,” segir Helga H. Ágústsdóttir, menningar,- markaðs- og ferðamálafulltrúi Dalabyggðar í samtali við Skessuhorn. „Sveitarfélagið stendur ekki fyrir hátíðinni núna heldur nýstofnað félag sem nefnist “Hollvinir Dalanna.” Sveitarfélagið styður hins vegar mikið við þetta, bæði beint og óbeint.”

 

 

Meðal dagskrárliða verður frumsýning Leikfélags Laxdæla á barnaleikriti, útimarkaður verður opinn þar sem fólk getur komið með sinn varning og selt gestum og gangandi. Skátafélagið verður með ratleik og fleiri félög og einstaklingar koma við sögu. Þá er heimahljómsveitin Ábrestir að æfa sérstaka dagskrá byggða á lögum Ðe Lónlí Blú Boys en Helga segir þó ekkert hafa verið athugað ennþá hvort upprunalega hljómsveitin geti komið. „Það verður hlutverk nýráðins framkvæmdastjóra, Margrétar Jóhannsdóttur að kanna það þegar hún kemur til starfa,” segir Helga.

Hátíðardagskráin fer fram á Miðbrautinni, sem verður lokað fyrir bílaumferð á meðan. Nú er farið af stað sérstakt átak í snyrtingu innan þéttbýlisins og áform eru uppi um að fjölga snyrtingum á tjaldstæðinu og jafnframt að útbúa aukatjaldstæði á túni skammt frá.

Helga segir aðsókn að Leifshátíðinni á Eiríksstöðum hafa verið góða og á von á góðri aðsókn að hátíðinni í sumar. Hún á von á brottfluttum Dalamönnum, nágrönnum og ferðamönnum. „Þessi víkingaímynd er nokkuð sem við höfum verið að byggja upp og er að þróast. Við njótum aðstoðar víkinga af Vesturlandi og víðar við dagskrána. Okkar ferðamennska er byggð upp í tengslum við söguna. Sagan æpir á okkur við hvert fótmál og hér eru margir sögustaðir frá landnámsöld,” segir Helga.    

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is