Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. júní. 2008 03:48

Fornar gáttir – sýning um minjarannsóknir í Reykholti

Sett hefur verið upp í Snorrastofu í Reykholti sýning um fornleifarannsóknir undanfarinna ára á staðnum. Sýningin er hönnuð af Sigríði Kristinsdóttur, grafískum hönnuði, en texta vann Guðrún Sveinbjarnardóttir, fornleifafræðingur og verkefnisstjóri fornleifarannsókna í Reykholti. Sýningin, sem staðsett er í Finnsstofu inn af Safnaðarsal Reykholtskirkju, verður opnuð formlega í dag, laugardag kl. 18:00. Fornleifa í Reykholti er getið snemma á 19. öld, þegar skoski ferðalangurinn Ebenzer Henderson lýsir í ferðabók sinni því sem hann telur vera leifar af virki á staðnum. Túlkun hans á án efa rætur í frásögn Sturlungasögu frá 13. öld. Í kirkjugarðinum fannst steinkista, með leifum af rauðu efni, þegar gröf var tekin þar, einnig hefur fundist legsteinn með rúnaletri.

Byggingarframkvæmdum í tengslum við nýja skólahúsið, sem reist var á árunum 1929-31, fylgdi síðan hrina af fornleifafundum, sem einungis að hluta til voru rannsakaðar. Markvissar rannsóknir hófust fyrst árið 1987 með könnunarskurðum og fornleifauppgreftri á hluta af bæjarhólnum, næstu tvö sumrin. Rannsóknir hófust svo aftur 1998 og stóðu yfir til ársins 2007 í 1-2 mánuði hvert sumar. Fyrri hluta þessa tímabils var hluti af gamla bæjarstæðinu rannsakaður, og einnig fannst smiðja undir gömlu timburkirkjunni. Á seinni hluta uppgraftartímabilsins fóru fram rannsóknir á kirkjustæði því sem kirkjur stóðu á í Reykholti fram til 1886, þegar timburkirkja var byggð á nýjum stað.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is