Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. júlí. 2008 11:20

Rautt spjald og meiðsli hjá Víkingum í Víkinni

Ekki tókst Ólafsvíkur Víkingum að ná stigum af nöfnum sínum í höfuðborginni þegar liðin mættust í Víkinni sl. laugardag. Eftir markalausan fyrri hálfleik var mikið að gerast í seinni hlutanum og samkvæmt lýsingu Helga Kristjánssonar frá leiknum voru Víkingar óheppnir að ná ekki stigi. Alfreð Elís Jóhannssyni var vikið af velli undir lokin vegna tveggja gulra spjalda. Þá meiddust fjórir leikmenn Ólafsvíkinga í leiknum og gæti því hópurinn þynnst fyrir næsta leik þegar KA-menn koma í heimsókn um næstu helgi, en þá lýkur fyrri hluta deildarkeppninnar. Ólafsvíkur Víkingar eru sem fyrr með 10 stig, jafnir Fjarðarbyggð í 7.-8. sæti deildarinnar.

Reykvíkingarnir áttu heldur meira í fyrri hálfleiknum án þess að skapa sér veruleg færi og var markalaust í leikhléinu. Heimamenn byrjuðu seinni hálfleikinn með látum og náðu að komast yfir eftir átta mínútna leik. Egill Atlason skoraði eftir hornspyrnu. Gestirnir náðu að spyrna við fótum og sækja og á 60 mínútu tókst Jóni Pétri Péturssyni að jafna leikinn þegar hann vippaði boltanum yfir Ingvar Kale markmann R Víkings. Við markið færðist jafnræði yfir leikinn á ný. Ekki liðu nema tíu mínútur þegar Ó Víkingar komust yfir, kannski eilítið gegn gangi leiksins í heildina. Þá skoraði Brynjar Víðisson með góðu skoti úr teignum eftir frábæran einleik Josips sem splundraði vörn R Víkings. Ekki liðu nema fjórar mínútur þar til höfuðborgarbúarnir voru búnir að jafna leikinn. Stungusending kom inn í vítateiginn frá Agli Atlasyni og Gunnar Kristjánsson skaut í Dalibor og þaðan hrökk boltinn í netið. Á 85 mínútu fengu heimamenn aukaspyrnu á stórhættulegum stað. Upp úr henni skoraði Gunnar Kristjánsson mark sem reyndist sigurmark Víkings Reykjavík í leiknum. Lokatölur 3:2 fyrir þá, sem í sjálfu sér voru ekki ósanngjörn úrslit miðað við tölfræðina, en engu að síður voru Ólafsvíkingar óheppnir í þessum leik. Vonandi verða heilladísirnar nálægar þegar Akureyrarliðið kemur í heimsókn um næstu helgi.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is